Ribadeo, 12 de novembro de 2022. Acisa Ribadeo pon a disposición dos seus asociados e asociadas novos materiais gratuítos para a hostalería. Trátase de bolsas e tamén de envases de comida para levar, que por primeira vez a asociación pon a disposición dos restaurantes e mesóns.
Segundo explica Carmen Cruzado, presidenta da patronal ribadense, “Acisa pon novos materiais gratuítos a disposición dos seus socios e socias. Nesta ocasión trátase de bolsas para as botellas de viños, bolsas e envases de comida para levar e de vasos térmicos para cafés ou infusións. Desde Acisa quixemos facer un esforzo especial para poder axudarlle á hostalería pensando na campaña de Nadal e no vindeiro ano e facémolo tentando aforrarlles custes. Por este motivo lles entregamos dous modelos de bolsas e por primeira vez recibirán tamén envases de comida para levar e vasos térmicos. Son materiais moi empregados especialmente nas datas que se aveciñan, pero tamén ao longo de todo o ano, por iso queremos poñelos á súa disposición nestas datas”.
O xerente de Acisa, Jesús Pérez, subliña que “estamos a falar de 3.000 bolsas para botellas de viño, de 5.000 bolsas de comida para levar, de 20.000 envases de comida para levar en dous tamaños: 1.400 cl e 1.900 cl en aluminio e que se poden empregar no microondas, e 8.000 vasos térmicos para café ou infusións. Aqueles establecementos hostaleiros que xa solicitaron previamente estes materiais poden pasar a recollelos pola oficina de Acisa desde o vindeiro 14 de novembro de 9:30 a 14:30 horas de luns a venres e luns e xoves tamén pola tarde de 15:30 a 16:30 horas”.
E engade: “o investimento realizado supera os 8.000 euros. Facemos un esforzo moi importante desde Acisa para dotar aos nosos asociados deste material de xeito totalmente gratuíto, coa novidade que representan os envases de comida para levar e os vasos para cafés. Isto é posible grazas á colaboración do Concello de Ribadeo, ao que lle agradecemos o seu apoio, porque senón non sería posible”.
Carmen Cruzado sinala que “tal e como anunciamos hai unhas semanas estes son meses de traballo intenso en Acisa. Estamos con moitas accións en marcha. Este material, que lle imos entregar á hostalería, é unha das varias novidades que nas vindeiras semanas iremos desvelando”.
A presidenta e o xerente de Acisa presentaron todo este material na compañía do concelleiro de Comercio e Turismo de Ribadeo, Pablo Vizoso, que manifestou: “traballando entre todos, Concello e Acisa, podemos ir facendo cousas polo tecido empresarial ribadense. Agora foi esta acción, esta entrega de materiais, e no futuro seguiremos colaborando para que o comercio, a hostalería e o sector servizos de Ribadeo sigan a ser un referente en toda a contorna. Os tempos que nos toca vivir son complicados, pero entre todas e todos imos tentar levalos o mellor posible”.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.