Viveiro, 30 de novembro, 2022. Resurrection Fest Estrela Galicia confirma a tres das súas cabezas de cartel para a súa edición de 2023: Slipknot, Pantera e Ghost, xunto a máis de 80 bandas. Slipknot, a banda liderada por Corey Taylor presentarán no noso país o seu novo disco “The End, So Far”, en exclusiva en todo 2023 en España tras 4 anos sen visitar a Península Ibérica.
A xira de reunión máis esperada da historia do metal, a da americanos Pantera, visitará España en Viveiro. Un dos concertos máis esperados para todos os fans do rock e do metal en todo o mundo será un dos grandes atractivos de Resurrection Fest Estrela Galicia. Unha oportunidade única e irrepetible para ver a Phil Anselmo, Rex Brown, Zakk Wylde e Charlie Benante quen descargará o seu repertorio cheos de himnos da Historia do metal no noso Main Stage.
Os suecos Ghost serán outro dos grandes atractivos da nosa edición máis ambiciosa ata a data. O grupo liderado por Tobias Forge presentarán o seu incrible espectáculo para festivais en Resurrection Fest Estrela Galicia en 2023, traendo ademais debaixo do brazo “Impera”, co que alcanzaron o número uno nas listas de vendas do noso país.
Papa Roach é outro dos grandes nomes míticos que se confirman no cartel de Resurrection Fest Estrela Galicia 2023. Unha das bandas de rock con máis tirón a nivel público desde hai décadas visitarán Viveiro por primeira vez na Historia do Festival. Os ingleses Architects volverán ser un dos grandes atractivos do Main Stage do Festival en 2023. Nas retinas dos nosos fans aínda está gravada a súa incrible actuación de 2017. Alter Bridge e Powerwolf serán outros dos grandes nomes que actuarán en Resurrection Fest Estrela Galicia 2023.
Behemoth, The Ghost Inside, Fever 333, Motionless In White e Lacuna Coil completan os grupos do Main Stage confirmados polo Festival na mañá de hoxe.
Meshuggah, Amaranthe, Carpathian Forest e Pertubator son outros grandes nomes presentes en Resurrection Fest Estrela Galicia 2023, catro bandas, das moitísimas, que serán das grandísimas atraccións no segundo escenario entre os próximos 28 de xuño e 1 de xullo. Xunto a eles, entre moitos outros, tamén se confirmaron a Belphegor, Blind Channel, Sleep Token ou Vendede entre moitos outros.
Grandes nomes moi queridos polo Festival e polo seu público como son Hatebreed, Desakato (na súa xira de despedida) The Baboon Show, Madball ou Black Flag (a banda iniciadora do hardcore a nivel mundial) poñerán as notas máis hardcore punk de Resurrection Fest Estrela Galicia 2023. Outras bandas nesta linea confirmadas son H2Ou, Rise Of The Northstar ou Employed To Serve. En total unha programación de decenas de bandas nesta liña estilística que tanto fai gozar aos centos de miles de persoas que se pasan polo recinto do Festival cada ano.
Outro ano máis, o Desert Stage colle forza dentro do Festival e é que por el pasaranse artistas xa confirmados de primeira liña nas súas respectivas escenas musicais. Os belgas Amenra, os franceses Alcest, os alemáns Kadavar, os americanos Coven ou o xaponeses Mono son tan só cinco dos nomes xa anunciados para este escenario. Outros grandes nomes serán Lucifer, The Inspector Cluzo ou Brutus entre moitos outros.
Como hai unhas semanas xa se anunciou, Resurrection Fest Estrela Galicia 2023 será unha edición moi especial para o gran festival do rock e do metal do noso país. Será a primeira vez na súa historia que o festival se desenvolverá de maneira completa durante catro días, con concertos nos catro escenarios desde o próximo 28 de xuño ao 1 de xullo.
A décimo oitava edición de Resurrection Fest Estrela Galicia será a súa edición máis multitudinaria ata a data e con máis artistas internacionais anunciados que nunca, 50 dos cales nunca actuaron no festival aínda. Unha cita ineludible para todos os fans do rock, o punk, o hardcore e o metal. Viveiro volverá ser unha das capitais destes estilos a nivel mundial, atraendo por centos de miles de persoas ao recinto desde decenas de diferentes países de todo o mundo. Catro días completos de festival e 100 bandas. Os mellores días do ano para todo o seu público volven ser en Viveiro, en Resurrection Fest Estrela Galicia. Todo iso no recinto máis amplo e tematizado da historia do festival.
Resurrection Fest Estrela Galicia conta co apoio activo da Xunta de Galicia, a Deputación de Lugo e o Concello de Viveiro.
Resurrection Fest Estrela Galicia 2023 contará de novo con Estrela Galicia como principal patrocinador privado. Estrela Galicia leva colaborando co festival desde a súa primeira edición sendo xa, como marca galega, parte da experiencia do mesmo. Apuetsa pola cultura de cerevza e o impacto positivo como eixos diferenciadores dentro do festival con activacións como “a cervexaría do resu” onde se ofrece ao asistente unha variada carta de referencias e distintas inciativas destinadas a xerar impacto positivo no evento, non só a nivel de economía circular e descarbonización senón tamén para o coidado das persoas e a protección da orixe.
As entradas poñeranse á venda mañá, xoves 1 de decembro ás 14h en www.resurrectionfest.es. Resurrection Fest Estrela Galicia somos entidade adherida ao “Bono Cultural Mozo” do Ministerio de Cultura e Deporte do Goberno de España, así que se es beneficiario desta axuda, podes trocala en abonos / entradas para o festival.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
