A Mariña, 7 de agosto, 2026. Manuel de Falla regresou este xoves 6 de agosto ao Castelo de Castro de Ouro, en Alfoz, pero non o fixo como unha figura detida no tempo. Fíxoo transformado, reinterpretado e levado a un territorio musical distinto por Moisés P. Sánchez, un dos nomes máis destacados do jazz europeo. Falla Imaginado, presentado neste segundo concerto da 13ª edición do Festival Bal y Gay, propuxo precisamente iso: volver escoitar a Falla desde o presente, combinando o respecto pola partitura coa liberdade da improvisación e a linguaxe do jazz. Unha noite inesquecible para o público asistente, que esgotou as entradas. O XIII Festival Bal y Gay, referente en España pola mellor música clásica do mundo en escenarios únicos da Mariña (Lugo), continúa este venres día 7 (21:00) coa soprano Auxiliadora Toledano e o pianista Javier Carmena no Mosteiro de San Salvador de Lourenzá.
Un trío soberbio que combina tradición e modernidade
A proposta parte de varias das páxinas máis recoñecibles do compositor, entre elas diferentes movementos da Suite Popular Española, ás que Sánchez aplica novos arranxos e pon en diálogo cunha suite orixinal inspirada no universo creativo de Falla e, especialmente, nas ideas musicais do seu Concerto para Clave. O resultado é un fermoso repertorio no que conviven escritura e improvisación, tradición e contemporaneidade.
A operación ten ademais un significado especial neste 2026, ano no que se conmemora o 150 aniversario do nacemento de Manuel de Falla. Fronte a unha celebración baseada exclusivamente na recuperación do repertorio, Falla Imaginado propón unha aproximación creativa: non se trata só de interpretar de novo a Falla, senón de preguntarse que posibilidades ofrece hoxe a súa música cando se somete a outros linguaxes sen perder a súa identidade. A singularidade do proxecto reside precisamente nesa combinación. Falla aparece como punto de partida para unha creación contemporánea na que o jazz, a improvisación e o rigor da escritura clásica conviven sen que ningún destes elementos quede relegado a un papel secundario. O aniversario convértese así nunha oportunidade para demostrar que o legado do compositor continúa aberto a novas lecturas.
Para desenvolver esta proposta, Sánchez conta con dous intérpretes que amplían considerablemente o espectro sonoro do proxecto: a violinista Ana María Valderrama e o contrabaixista Pablo Martín Caminero. Moisés P. Sánchez aborda Falla Imaginado desde unha traxectoria marcada pola busca de novos linguaxes. Pianista, compositor, arranxista e produtor, construíu durante máis de dúas décadas unha carreira vinculada ao cruce entre xéneros. O proxecto supón, ademais, un paso especialmente significativo no seu percorrido. O propio Sánchez recoñece que é a primeira vez que aborda directamente a obra dun compositor do seu país e que o traballo representa “un punto de inflexión” na súa traxectoria. A súa intención é manter un profundo respecto pola tradición escrita ao tempo que desenvolve unha mirada libre sobre o material de partida. O violín e o contrabaixo completan o piano de Sánchez e proporcionan ao proxecto unha formación de cámara capaz de moverse con naturalidade entre a precisión da escritura e a apertura da improvisación.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
