O conselleiro do Medio Rural participou por videoconferencia na conferencia sectorial e no consello consultivo de Agricultura, que estivo presidida polo ministro Luis Planas
Santiago de Compostela, 5 de decembro de 2022. O conselleiro do Medio Rural, José González, advertiu hoxe que o sector primario está “nun momento moi complicado no que ten que primar a sustentabilidade económica das nosas explotacións agrícolas e gandeiras, por cuestións de autosuficiencia alimentaria”. Por iso, insistiu en reclamar a flexibilización dos compromisos ambientais no desenvolvemento e aplicación da nova Política Agrícola Común. José González fixo estas aseveracións esta mañá durante a súa participación por videoconferencia na conferencia sectorial e no consello consultivo de agricultura e desenvolvemento rural, que estivo presidida polo ministro de Agricultura, Pesca e Alimentación, Luis Planas.
Así, o conselleiro amosou a preocupación de Galicia polo incremento dos custos de produción no eido primario, especialmente no vacún de carne. Así, González sinalou que mentres o sector lácteo “reaccionou axeitadamente a esta situación, pola vía do incremento do prezo”, no caso do cárnico seguen constatándose dificultades, por esa suba dos custos que non se repercute no prezo final.
Por iso, o conselleiro reiterou que é precisa esa flexibilidade tanto no ámbito de aplicación dos chamados ecoesquemas como na condicionalidade reforzada para o cobro das diferentes axudas directas da PAC. Ademais, o titular de Medio Rural lembrou que Galicia e outras comunidades autónomas xa tiñan advertido ao Goberno central que cando se decidiron as axudas directas polo impacto da invasión rusa de Ucraína deberíase ter dado máis marxe ás autonomías para decidir que sectores apoiar con maior intensidade. É o caso do cárnico galego, por exemplo, que segundo o conselleiro cómpre seguir apoiando. E así o fará a Xunta, ao abeiro das axudas directas que convocará no vindeiro ano e que algúns gandeiros xa puideron anticipar pola vía dos anticipos de entidade bancaria.
Etiquetaxe frontal
Sobre a etiquetaxe frontal do envase e o seu impacto na etiquetaxe de alimentos sustentables, José González trasladou a preocupación da Xunta polo que pode afectar negativamente ao sector do viño, que -advertiu- “é moito máis ca un produto”. Así, engadiu, trátase dun elemento de dinamización do territorio, cando menos nas comarcas vitivinícolas galegas, e isto debe terse en conta á hora de regular a etiquetaxe.
En relación co plan de fitosanitarios, Galicia defende a sustentabilidade ambiental das súas explotacións, pero alerta de que hai outros países europeos que non están sendo tan esixentes nesta materia. A Xunta pide, pois, que neste tema se teña a mesma sensibilidade que no caso dos ecoesquemas, no momento da aplicación das esixencias ambientais. Así, o Goberno galego reclama, en todo caso, que non se vaia máis alá do que se lles esixe a produtos de terceiros países (extra-comunitarios) que chegan á UE sen pasar todos os controis pertinentes.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
