O Presidente da institución provincial, José Tomé Roca, xunto ao Alcalde, Carlos López, abriu a mesa redonda, na que participaron representantes de asociacións e empresas con ampla experiencia no turismo activo e rural
Lugo, 10 de febreiro de 2023. O Presidente da Deputación de Lugo, José Tomé Roca, abriu este venres a mesa redonda celebrada ás vésperas da Feira do Butelo, baixo o lema lema Oportunidades de Turismo Sostible da Fonsagrada, e organizada polo Concello fonsagradino, coa colaboración da institución provincial e o grupo El Progreso. Un foro, moderado polo xornalista Javier Rivera, e que contou coa reflexión e debate de representantes de asociacións e empresas con ampla experiencia no turismo activo e rural da Montaña luguesa, da provincia e de Galicia.
José Tomé Roca felicitou ó Alcalde, Carlos López, e ó seu equipo de Goberno “por impulsar, un ano máis, este encontro de reflexión e debate”, porque salientou “toda iniciativa que axude a promocionar e dar visibilidade ós enormes recursos e oportunidades que ten A Fonsagrada é sempre positiva para este concello, para a comarca da Montaña, e para o conxunto da provincia de Lugo”. Neste sentido, recalcou o Presidente, “A Fonsagrada é un exemplo de dinamismo e de bo traballo”.
O mandatario provincial subliñou que, un ano máis, a institución provincial colabora con este encontro “dentro do noso compromiso de apoio firme e continuo ós 67 concellos da provincia”. Un apoio que, no caso da Fonsagrada “tradúcese en moitas e moi diversas iniciativas, pensadas sempre para mellorar a vida dos veciños e para dinamizar a economía”. Puxo como exemplo accións do goberno da institución, “como poden ser o Centro de Atención a Maiores, que puxemos en marcha fai xusto agora tres anos; os fondos do Plan Único; o proxecto do polígono industrial no que estamos traballando; ou tamén distintas accións de promoción turística, que é precisamente un dos motivos que nos reúne neste encontro”, indicou.
Destacou que o lema deste mesa redonda, en torno ao turismo sostible “concorda cun dos eixos da acción de Goberno da Deputación de Lugo”, xa que “apostamos por un modelo de turismo de calidade, de experiencias, desestacionalizado e non masificado, que valora o medio ambiente, o patrimonio cultural e etnográfico, e a gastronomía”. Un modelo que a Deputación viu reforzado logo da pandemia, e que “lonxe de ser un factor agresivo, o turismo sostible convértese nun aliado na conservación do entorno e das paisaxes, pon en valor o rural, e xera emprego sostible. Polo tanto, axuda a fixar poboación no rural”, explicou o máximo mandatario provincial.
O Presidente mostrouse convencido de que, con accións coma este encontro -de posta en común e de aportación de ideas-, “vamos seguir mellorando a nosa oferta turística de cara ó futuro e, polo tanto, a nosa capacidade para atraer visitantes e para xerar riqueza na provincia.
Mellorar a oferta
A mesa redonda Oportunidades de Turismo Sostible da Fonsagrada, que se celebrou na tarde deste venres no Salón de Plenos do Concello, contou ademais do Presidente da Deputación e o Alcalde fonsagradino, co relatorio de destacados representantes e asociacións vinculadas ao turismo activo e rural, como José Luis Fernández, presidente da Asociación Galega de Empresas de Turismo Activo, de Aventura e Natureza (AGETAN); Verónica Marcos, presidenta de Fademur en Galicia; Yanire Villaverde, xornalista e xerente da Casa da Lembranza na Fonsagrada; e Lidia de la Fuente, consultora de turismo e guía oficial de Galicia.
“Estamos a falar do atractivo dun destino como o de Ancares e Terras do Burón, que é un marco incomparable para todos os amantes do turismo activo, de aventuras e de natureza. Un modelo de ocio que busca tamén aloxamentos diferentes, como a Casa da Lembranza, e de iniciativas turísticas que están abrindo novas oportunidades de emprendemento e de emprego a mozos e mozas e, tamén, ás mulleres do rural”, manifestou José Tomé Roca en referencia aos compoñentes que formaron parte deste encontro de reflexión e debate.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
