José Tomé acompañou á Ministra de Política Territorial e Voceira do Goberno, Isabel Rodríguez, na visita que fixo este sábado á capital lucense, onde mantivo un encontro con maiores na Casa do Saber e percorreu o centro da cidade, xunto á Alcaldesa, o Secretario Xeral do PSdeG e o Delegado do Goberno en Galicia
Lugo, 6 de maio de 2023. O Secretario Xeral do PSdeG na provincia de Lugo, José Tomé Roca, acompañou á Ministra de Política Territorial e Voceira do Goberno de España, Isabel Rodríguez, na visita que fixo este sábado á capital lucense, onde mantivo un encontro con maiores na Casa do Saber e percorreu o centro da cidade, xunto á Alcaldesa, Lara Méndez, o Secretario Xeral do PSdeG, Valentín González Formoso, e o Delegado do Goberno en Galicia, José Ramón Gomez Besteiro, así como a Subdelegada do Goberno en Lugo, Isabel Rodríguez, os deputados no Congreso Ana Prieto e Javier Cerqueiro, e o Senador César Mogo, entre outros responsables orgánicos do partido, militantes e simpatizantes.
Durante a súa intervención no encontro con persoas maiores na Casa do Saber, o líder do PSdeG na provincia, Presidente da Deputación e Alcalde de Monforte destacou que os socialistas “sempre poñemos ás persoas no centro das políticas”, como demostra o Goberno de Pedro Sánchez con medidas “cun impacto especialmente positivo” para a cidadanía lucense como a subida das pensións conforme ó IPC, tendo en conta a poboación rural e cunha media de idade elevada da provincia.
Situar as persoas no centro das políticas é o que, subliñou José Tomé, fai o Concello de Lugo, con Lara Méndez, e o que “facemos dende o Goberno de progreso da Deputación, destinando a políticas sociais máis dun terzo do Orzamento da institución e impulsando, entre outros, un proxecto pioneiro e de referencia, como é a rede de centros públicos de atención a maiores, que abrimos en pequenos concellos do rural, que ofrecen unha atención de calidade e, ó mesmo tempo, crean riqueza e emprego no entorno no que se asentan”. Polo tanto, trátase dunha medida “social e eficaz fronte ó reto demográfico”.
O Secretario Xeral do PSdeG na provincia lembrou que neste mandato a Deputación expuxo ó Goberno de España o seu modelo de residencias e, de feito, a institución provincial foi a única do país invitada polo Presidente Pedro Sánchez á presentación do PERTE de Economía Social e dos Coidados celebrada na Moncloa.
Así mesmo, José Tomé recalcou que, co Goberno de progreso encabezado polo PSOE, a provincia de Lugo “recuperou a prioridade que merece e que necesita na axenda política deste país, deixando atrás largos anos de abandono e duro castigo cos anteriores gobernos do Partido Popular”. Neste sentido, puxo como exemplo as infraestruturas, lembrando que, logo do parón imposto polo Executivo de Rajoy, “con Pedro Sánchez o AVE chegou a Galicia e a Alta Velocidade chegará a Lugo”, grazas ó investimento histórico de 546M€ que ten mobilizado para a modernización da liña do tren Lugo-Monforte-Ourense e ó desbloqueo da Estación Intermodal, que esta mesma semana aprobou licitar o Consello de Ministros.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
