Ribadeo, 22 de maio de 2023. O salón de plenos do Concello acollerá o mércores, 24 de maio, ás 10:30 horas a presentación do programa Víveo Máis. Trátase dunha declaración de compromiso coa sostibilidade dos negocios turísticos de Ribadeo, que está aberta a todo o tecido local, e que pon en valor o territorio.
O concelleiro de Desenvolvemento Local, Pablo Vizoso, manifestou que “despois do éxito e da boa acollida acadada co programa Ribadeo + Circular no que participaron distintos axentes da nosa hostalaría e restauración e do que saíron diferentes propostas de desenvolvemento a nivel local para os establecementos que se manifestan comprometidos coa economía circular e coa sostibilidade do turismo agora nace o programa Víveo Máis”.
O edil ribadense explicou que “se trata dun proxecto desenvolto polo Concello de Ribadeo en colaboración con establecementos turísticos do noso territorio e que xorde como unha iniciativa de carácter colaborativo pola que os negocios e locais adheridos amosan o seu compromiso para apoiar un turismo máis sostible e máis responsable coa implantación de medidas estruturadas entorno a catro eixos, que resultan clave para abordar o impacto ambiental e social como son o desenvolvemento do territorio, os recursos naturais e a biodiversidade, o cambio climático e a economía circular”.
Vizoso Galdo dixo: “desde o Concello de Ribadeo queremos convidar a todas aquelas persoas, establecementos e entidades interesadas en asistir á presentación de Víveo Máis, que terá lugar o mércores, 24 de maio, ás 10:30 horas no Salón de Plenos do Concello”.
O concelleiro de Desenvolvemento Local explicou que “nesta reunión centrarémonos en mostrar os obxectivos do programa, que están enfocados a ofrecer experiencias cun impacto positivo na nosa contorna e coas que gozar do noso patrimonio natural, gastronómico e histórico dunha maneira responsable; os requisitos mínimos e o proceso de adhesión que deberán de seguir os todos os establecementos interesados en participar e a presentación da páxina web que recolle as bases deste proxecto https://viveomais.ribadeo.gal”.
Pablo Vizoso engadiu que “este programa é unha declaración de compromiso coa sostibilidade dos negocios turísticos de Ribadeo, está aberto ao resto do tecido local, para seguir poñendo en valor o territorio e promovendo outras futuras iniciativas”.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
