Ribadeo, 23 de xuño de 2023. O compromiso do Concello coa reforma do Hospital Asilo é absoluto. Así o subliñou o alcalde, Dani Vega, tras a visita realizada a esta instalación na compañía da concelleira de Benestar Social, Saúde e Familia, Elena Sierra, e do traballador social, José Luis Gegunde. Vega garante o investimento das administracións.
O obxectivo foi amosar o compromiso do equipo de goberno co Hospital Asilo: “coa visita que fixemos ao Hospital Asilo o que quixemos foi mostrar o compromiso que sempre tivemos con esta instalación, cos traballadores, coa congregación relixiosa e coas persoas que viven alí”, declarou o rexedor.
Dani Vega manifestou que “todos estes pasos que se foron dando durante todo este tempo eran a demostración do compromiso e do traballo que se estaba a facer. O primeiro que quero facer é dar as grazas á congregación relixiosa por todo o traballo realizado durante todos estes anos e agora ao facer obras e pechar por este motivo o Hospital Asilo non van poder seguir aquí, pero o meu agradecemento absoluto e total por toda a labor realizada. Tamén lle quero agradecer aos traballadores que cumpriron con todas as persoas que viven alí, uns traballadores que fixeron máis do que se lles pedía, e tamén aos técnicos municipais do Concello porque acometeron un traballo moi importante”.
O alcalde ribadense considera que “entre todos é como se deben facer as cousas, cunha coordinación que se traduciu en reubicar ás persoas que viven no Hospital Asilo en distintas residencias que nos ofertou a Xunta de Galicia. Ese traballo fíxose moi ben, quedan algunhas persoas que debemos reubicar, coordinando coas familias, coa administración autonómica e tamén cos técnicos municipais. Un traballo ben coordinado deu uns resultados moi positivos e nestes momentos seguimos traballando para xestionar mais orzamento para a reforma do Hospital Asilo”.
Vega Pérez dixo: “temos un orzamento dunha herdanza do doutor Moreda, temos un compromiso por parte da Xunta de Galicia e estamos a facer xestións para incrementar esa cantidade. E tamén temos unha parte de fondos propios do Concello de Ribadeo”.
E subliñou: “na coordinación é na que estamos, nesa xestión en beneficio do Hospital Asilo e o traballo vai dar os seus resultados. Esta visita tradúcese nun compromiso absoluto por unha residencia que é fundamental para o noso concello”.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).