Estímase que os catro grandes proxectos empresariais que se prevén instalar en Palas de Rei xeren preto de 3.000 empregos entre directos e indirectos
Palas de Rei, 29 de xuño de 2023. O número 1 da candidatura do PP de Lugo ao Congreso, Francisco Conde, asegurou hoxe nunha reunión con alcaldes e portavoces da comarca da Ulloa, que o futuro da empresa Altri en Palas de Rei “xa estaría garantido de estar Feijóo no Goberno”. Nese sentido, engadiu que “se goberna Alberto Núñez Feijoo, gaña Lugo e gañamos todos”.
O Partido Popular, ao igual que a Xunta de Galicia e que a propia Altri, teñen amosado desde o primeiro momento a súa máxima implicación para conseguir que a fábrica de fibras téxtiles sostibles sexa unha realidade na provincia de Lugo, un proxecto realmente transformador a nivel industrial e social. A compañía portuguesa quere executar o proxecto en Galicia, pero estase atopando cunha realidade:” o Goberno de Pedro Sánchez non concedeu os fondos europeos que precisa a iniciativa para a súa construción e posta en marcha, cando o Executivo portugués xa ten comprometido fondos europeos para as novas iniciativas industriais de Altri no seu país”.
Neste sentido, “Sánchez incumpre unha vez máis a súa palabra, pois case un ano despois da súa reunión co presidente da Xunta de Galicia na que se comprometeu a apoiar o proxecto de Altri, non hai resposta nin un posicionamento a favor deste proxecto”, explica Conde. “Mentres que cunhas comunidades autónomas, como é o caso de Cataluña, Valencia ou Asturias, o compromiso do Goberno de Pedro Sánchez é absoluto, outras comunidades, coma Galicia, seguen á espera”.
CREACIÓN DE EMPREGO
“O apoio de Galicia a este proxecto de Altri é total”, lembrou o popular, que destacou como “moi positivo para o desenvolvemento da base industrial, a reactivación e creación de emprego no territorio, o fomento da economía circular e o desenvolvemento de novas tecnoloxías que ofrecen unha alternativa competitiva á industria téxtil”.
Entre novos proxectos, como os de Altri e Bioflytec, e ampliación de instalacións, como as de Jim Sports e Campomayor, o investimento previsto en Palas de Rei poderá superar os máis de 830 millóns de euros e a creación de preto de 3.000 postos de traballo, entre directos e indirectos.
REIVINDICANDO OS PRODUTOS LOCAIS E A PROVINCIA
Os candidatos ao Congreso e ao Senado tamén aproveitaron para promocionar e poñer en valor os produtos gastronómicos e locais da zona porque “é unha forma de facer provincia”. Neste aspecto, asistiron a unha degustación do queixo do país DaJosefa, procedente do lugar de Senande, na parroquia palense de Ferreira, que é un dos queixos galegos artesanais máis saborosos e populares. Recentemente, este queixo gañou o campionato GourmetQuesos, celebrado en Madrid; ao mellor queixo de vaca xoven en España.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
