Patricia Otero sinala que o goberno galego non cubre as súas previsións e esixe que cumpra as prazas que están asignadas “no papel”
Santiago de Compostela, 28 de setembro de 2023. A deputada socialista Patricia Otero denunciou este xoves no Parlamento a carencia de médicos de Atención Primaria na Mariña e reclamou á Xunta que realice un plan específico para cubrir baixas e xubilacións na comarca.
A deputada de Burela preguntou ao goberno galego na Comisión de Sanidade da Cámara galega sobre a situación dos centros de saúde na comarca da Mariña. Ante a constante falta de profesionais e o incumprimento do estipulado pola Xunta, pediu que se cubran as previsións de persoal que non se remitan unicamente ao que está “no papel”.
En particular destacou as demandas da veciñanza do concello da Pontenova, que ten un terzo da poboación maior de 65 anos, e que xa no 2018 pasou de 3 a 2 médicos e de 2 a 1 técnico PSX, chegando por baixas médicas e vacacións que durante algúns días non había nin un só médico no centro de saúde local. Por elo, denuncia que os veciños chegaron a agardar por receitas ata quince días. Así mesmo, alerta de que neste centro de saúde o persoal médico está próximo á xubilación.
Alerta tamén da que os veciños temen a posibilidade de que a Xunta peche o centro de saúde de Cervo. Así mesmo, criticou que no centro de saúde de Viveiro “vívense situacións límite”, xa que “estamos a falar de máis de 15.000 habitantes e que durante a pandemia do Covid había días con un ou dous médicos, incluso durante o verán no que se duplica a poboación no municipio”.
Tamén lembrou que Ourol estivo “días enteiros sen ningún médico” ou o caso de Valadouro que “dende que se xubilou un médico levan cubrindo o seu posto con distintos facultativos” con só catro horas de atención, “algún día e ser avisar”. Patricia Otero sinalou que estas deficiencias son extensibles a todos os centros de saúde da comarca,tamén citou os casos da falta de médicos noutros municipios como Burela, Foz, Ribadeo ou Alfoz.
“Pedimos empatía ao goberno galego de cara á situación da Atención primaria, adiántese aos acontecementos porque na comarca hai un número importante de médicos achegándose á idade de xubilación”, alegou a deputada. Tamén advertiulles de que “deixen de botar balóns fóra, as competencias de sanidade están transferidas ás comunidades autónomas”.
Por elo, esixiu que se realice un Plan Específico de Atención Primaria na Mariña “dotado con medios suficientes para garantir unha sanidade pública, gratuíta, universal, equitativa e de proximidade”, con especial atención á cobertura das baixas nas xubilacións nos próximos anos.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
