Os populares vense na obriga de denunciar publicamente, unha vez máis, o que é un novo exemplo de “non xestión” do goberno local
Viveiro, 5 de decembro de 2023. O PP de Viveiro vese na obriga de denunciar publicamente, unha vez máis, o que é un novo exemplo de “non xestión” do goberno local. Deste volta, fan referencia á piscina municipal que, este mesmo sábado, tivo os vasos todos pechados por falta de monitores. De feito, a día de hoxe, o vaso pequeno segue sen funcionar.
Esta “anomalía” no funcionamento súmase a que dende hai máis de quince días o servizo de jacuzzi tampouco pode ser empregado polos usuarios, á redución de horarios pola continua falta de persoal, ás goteiras existentes no ximnasio ou ás máquinas obsoletas e deterioradas.
Estas deficiencias, “que son consecuencia directa da mala xestión dos dirixentes locais e das que PSOE e BNG non dan explicacións”, están a provocar, segundo indican os populares, que se perdan abonados, cursos e competicións que, finalmente, migran a outros concellos da contorna.
SITUACIÓN CREADA EN 2015
A voceira e recente elixida presidenta do PP de Viveiro, Mariña Gueimunde, lamenta que “esteamos perdendo servizos de forma progresiva”. “Todos lembramos como en 2015, cando o Concello decidiu municipalizar a piscina sen facer previamente un estudo previo das necesidades; o que ocasionou naquel momento ata denuncias dos empregados contra á entidade local”, destaca a popular.
Dende PP, e co fin de buscar unha solución, instan á alcaldesa socialista a cubrir a franxa horaria con traballadores con media xornada no seu contrato, pois noutras ocasións, salienta Gueimunde, “tirouse dunha empresa para que contratara un socorrista e este lle facturaba ao Concello”.
Para os populares “estamos ante unha situación herdada pola falta de previsión no momento de sacar as prazas a concurso, pois cabe recordar que por lei non se pode abrir o vaso sen polo menos un socorrista”, conclúe a voceira do PP.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
