Alfonso Villares achegouse ás cámaras frigoríficas que a entidade vén de equipar cunha carretilla elevadora electrónica de 1.600 quilos de capacidade, no marco do proxectos colectivos de modernización das infraestruturas dos portos pesqueiros
Burela, 22 de xaneiro de 2024. O conselleiro do Mar, Alfonso Villares, visitou hoxe o porto do municipio lucense de Burela para manter unha reunión institucional coa confraría e representantes do sector portuario da localidade. O representante do executivo galego estivo acompañado neste encontro polo presidente de Portos de Galicia, José Antonio Álvarez.
Durante a súa visita Villares percorreu as instalacións da confraría e concretamente visitou as cámaras frigoríficas das que dispón a entidade para o seu traballo e que veñen de equipar cunha carretilla elevadora electrónica de 1.600 quilos de capacidade. Esta mellora enmárcase nos proxectos colectivos de modernización das infraestruturas dos portos pesqueiros, lonxas ou establecementos autorizados para primeira venda ou desembarque, cuxo obxectivo é facilitar o labor diario dos profesionais do mar e impulsar a competitividade do sector e a súa rendibilidade.
Durante a súa visita, o conselleiro do Mar destacou que o porto de Burela é o peirao de maior descarga de peixe fresco do sistema portuario autonómico, cun volume de descargas de arredor de 60.000 toneladas anuais. Para contribuír á mellora das condicións de traballo dos profesionais que nel operan, a confraría de pescadores optou en 2023 ás axudas da Consellería do Mar, con convocatoria ata 2025, para proxectos colectivos de modernización destas instalacións, acadando a subvención do 100% da actuación de mellora das cámaras frigoríficas.
Proxectos portuarios
Durante a súa visita a Burela, Alfonso Villares coñeceu tamén de primeira man as necesidades dos mariñeiros da localidade e afondou nos proxectos solicitados para a mellora das infraestruturas portuarias e que se atopan en tramitación, como o reforzo do dique de abrigo. Estas obras están pendentes de saída a licitación ao longo deste trimestre e contan cun orzamento plurianual de 1,4 millóns de euros e unha anualidade neste 2024 de máis de 800.000 euros.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
No acto, organizado coa colaboración da Vicepresidencia da Deputación e a área de Cultura do Concello, entregouse o Premio do Público ao filme Antes de Nós, de Ángeles Huerta, a obra máis votada pola cidadanía. A deputada de Cultura Iria Castro destacou que este encontro serve como adianto da gala e subliñou o orgullo de converter Lugo no epicentro do audiovisual galego durante estas semanas cheas de actividades arredor dos galardóns.
Cabe sinalar que o concello de Castro de Rei solicitou xa a súa adhesión ao novo convenio de xestión da biomasa nas faixas secundarias asinado entre a Consellería do Medio Rural e a empresa pública Seaga. Destacou así que a prevención é unha tarefa compartida por administracións e propietarios. Sinalou tamén as importantes novidades que presenta este convenio con respecto aos anteriores acordos, como é o incremento do orzamento, que ascende ata os 25 millóns de euros anuais.
A charla será impartida por Diego Fernández Méndez, colaborador da asociación, quen repasará a evolución do sector conserveiro e o seu impacto económico e social no municipio. A actividade inclúe un recoñecemento ás mulleres traballadoras de Conservas Albo, coincidindo coa conmemoración do 8M, cunha mención especial ás últimas empregadas que pecharon esta etapa histórica. A xornada rematará cunha degustación de produtos da marca.