Un partido moi competido no que o Burela comeza perdendo e remata coméndose ao rival
Burela, 25 de febreiro, 2024. Ás 12.00h desta mañá, no pavillón municipal Vista Alegre de Burela xogábase a 21ª xornada de Segunda División de Futsal, Pescados Rubén Burela FS – Unión África Ceutí cun resultado final 6-2. Nun encontro moi competido e igualado especialmente na primeira parte, o Pescados Rubén Burela soubo impoñerse ante un dos rivais máis fortes da categoría. Comeza perdendo 0-1 ata despois do descanso, aínda que con oportunidades, moitos paus, non logra finalizar con xeito durante os primeiros 22 minutos, pero nunha segunda parte brillante para os burelenses, remontan e mesmo se desmarcan por 4 goles ante un Ceutí que non consegue exceder á férrea defensa mariñá.
Na primeira parte abre o marcador Abraham xa no minuto 3 cun tiro de falta directo. Continúa toda a primeira parte con este resultado ata o descanso, non sen ocasións por parte de ambos os equipos, no minuto 5 un pau ao travesero que parece rebotar excedendo a liña de meta e que fai levantar ao público enteiro de Vista Alegre tras un lanzamento impecable do noso polifacético porteiro Michal Kaluza. No 11 outro pau de Malaguti que lanza tamén ao travesero tras un xiro. No minuto 12 unha clara de Cristian Rubio cun disparo potentísimo que se vai fóra e no 18 outro pau, esta vez de Nacho nunha contra e trallazo ao segundo pau.
Na segunda parte o Burela sae do vestiario cos deberes feitos e no minuto 22 Malaguti empata o encontro cun disparo tras un xiro nunha situación de pivote. No 25 o primeiro golazo dun destacado Isma cun incrible disparo afastado dende cancha propia. Pero en superioridade o Burela tras a expulsión de Álex García por dobre amarela, chega o 3-1 no minuto 30, cun remate de Quelle tras unha boísima xogada combinativa. Un minuto despois Cristian Rubio métea cun zurdazo restando distancias no marcador, pero no 33 chega o segundo de Isma que remata de tacón un disparo de Ismael. Continúa o festival e no 34 Lucho consegue o 5-2 tras unha recuperación e é no minuto 35 cando o conxunto de Anto recorre ao porteiro xogador, con Víctor Arévalo. Non conseguindo exceder á aínda mellor defensa de Segunda División (con 42 goles en contra, a un do UMA Antequera), chega o 6-2 a dous minutos do asubío final co terceiro de Isma que chega á portería rival, baleira, co balón nos pés.
A semana que vén os Pícaros viaxarán a Barcelona a enfrontarse a un duro rival, o Barça “B”, o sábado ás 17.00h.
Ficha Técnica Pescados Rubén Burela FS 6-2 Unión África Ceutí
Pescados Rubén Burela FS (6): M.Kaluza; Quelle, Isma, Alberto, Malaguti -quinteto inicial-, Lucho (C), Flethes, Á. García, Charly, Ismael, Mika. Entrenador: David Rial.
Unión África Ceutí (2): Rafa López; Nacho, Cristian Rubio, Anuar (C), Abraham -quinteto inicial-, Víctor Arévalo, Dela, Barona, Chano, Diego Mercado, Álex García, Casteele, Germán. Entrenador: Antonio Fernández “Anto”
Goles: 0-1, min.3: Abraham. 1-1, min.22: Malaguti. 2-1, min.25: Isma. 3-1, min.30: Quelle. 3-2, min.31: Cristian Rubio. 4-2, min.33: Isma. 5-2, min.34: Lucho. 6-2, min.38: Isma.
Árbitros: Adrián Calleja Rubio, Gael García Schmid, Pablo Coello Martínez, Eva López Seijas.
TA: Malaguti, Quelle, Chano, Cristian Rubio, Dela, Víctor Arévalo, Abraham, Hissam Ahmed Zaglul.
TR: Álex García (UACeutí) (AA)
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
