Nota de Prensa
O ALCALDE CREE QUE AS MANIFESTACIÓNS FEITAS POLOS DONOS DA FINCA ANEXA AO MUSEO DO MAR DEIXA AO DESCUBERTO O ENGANO CONTINUADO DOS ACTUAIS RESPONSABLES PROVINCIAIS NO SEU PRESUNTO INTERESE EN AMPLIAR ESTA INSTITUCIÓN
o Tras demostrarse a pasividade amosada nestes tres anos pola Deputación para chegar a un acordo de compra cos propietarios o Concello está obrigado a dilixenciar o Estudio de Detalle desta leira para construír nela un edificio
o Isto hipotecará o futuro do Museo e tira por terra tódalas reivindicacións feitas dende o Concello nos últimos 5 anos para garantir que estes terreos se adicaran a ampliar a sede do Museo
o Socialistas e nacionalistas reivindicaban a ampliación do museo cando estaban na oposición e agora -unha vez á fronte da Deputación- levan sen facer nada para materializar esta reivindicación de tódolos veciños de Cervo e da Mariña
Cervo, 7 de outubro de 2010.- O alcalde de Cervo, o popular Alfonso Villares, dixo hoxe nunha rolda de prensa celebrada nas dependencias municipais que as recentes declaracións da propietaria da finca anexa ao Museo do Mar de San Ciprián sobre as negociacións coa Deputación de Lugo para formalizar a venda da súa propiedade e ampliar así devandito museo “son totalmente esclarecedoras da realidade e deixan a cada quen no seu sitio”.
Para Villares, a dona do terreo deixa en evidencia que os responsables do organismo provincial non fixeron nada nestes tres anos e medio para adquirir este solar, “a non ser anuncios con gran alarde informativo, pero baleiros de contido”. “Que sexa a propia dona da finca quen diga publicamente que en todo este tempo os representantes provinciais nunca lle propuxeron unha oferta económica para a compra da súa propiedade deixa claro que nós estabamos no certo: que a Deputación estaba mantendo unha desidia e pasividade absoluta neste tema” asegurou o rexedor.
O primeiro edil cervense lembrou que dende que o bipartito rexe o organismo provincial o consistorio leva reivindicando por escrito diante da Deputación “e en múltiples ocasións” a adquisición destes terreos “sen que ata o momento se recibira no Concello nin unha sola contestación a toda esta chea de peticións … e agora entendemos o porque deste escurantismo” recalcou Vilares. Na súa opinión, agora queda en evidencia que as formacións políticas que sustentan o Goberno provincial limitáronse no tempo que levan á fronte da Deputación a facer anuncios mediáticos en torno ás negociacións de compra dos terreos para ampliar o Museo do Mar. “Esta desidia, pasividade e mentiras continuas da Deputación nestes tres anos e medio en torno a este tema é aínda moito máis doloroso para os cidadáns deste municipio tendo en conta de que dous concelleiros desta corporación que militan na oposición municipal forman tamén parte importante do goberno provincial” incidiu o alcalde.
PSOE E BNG, ÚNICOS RESPONSABLES
A Villares resúltalle “patética” a actitude de PSOE e BNG neste asunto, xa que cando estaban na oposición eran eles os que non se cansaban de reivindicar a ampliación do museo e que o organismo provincial adquirira os terreos. “Sen embargo agora, despois de tres anos e medio á fronte da Deputación a realidade nos di que non fixeron nada para solucionar o problema” e sinalou que, “tal vez”, algúns dos responsables provinciais non teñan moito interese nesta ampliación do museo, “pero hailles que lembrar que cando se vangloriaban das súas grandes xestións neste asunto saía tamén nas fotos un asesor desta institución que é concelleiro desta corporación ao que lle debería a caer a cara de vergonza; así coma a outra concelleira deste municipio que tamén é unha importante representante do Goberno provincial. Ámbolos dous deixaron de manifesto o seu nulo peso político e o seu nulo interese polo seu pobo”.
CINCO ANOS LOITANDO
Para o alcalde, tralas declaracións dos propietarios da finca, desenmascárase a verdade. “Atopámonos que todas esas negociacións non eran máis que fogos de artificio e mentiras” dixo. Recordou tamén que o Concello leva demostrando o seu interese e preocupación por este tema en reiteradas ocasións. “Levamos moito tempo loitando por garantir a ampliación desta institución. Así o temos demostrado en infinidade de ocasións dende marzo do 2005, cando o Pleno desta Corporación adoptou un acordo por unanimidade solicitando á Deputación a compra dos terreos para ampliar o museo. Levamos remitindo infinidade de escritos e comunicacións á Deputación urxíndolles a que axilizaran as súas xestións neste tema porque sabíamos que o tempo corría en contra da ampliación do museo e o único que temos recibido en todo este tempo é o seu silencio covarde, xa que nestes tres anos e medio nunca foron quen de contestar a ningún dos nosos escritos” asegurou.
TRAMITAR UN ESTUDO DE DETALLE
Para o rexedor, despois de todo este tempo a ampliación do Museo do Mar está en peores condicións que hai cinco anos. “Hoxe en día a situación é peor que no ano 2005. O concello vese na obriga de tramitar un Estudio de Detalle que dilixenciou alongando todo o posible os prazos que a lei lle permitía para tentar deste xeito que a Deputación asumira o seu compromiso e fixera os seus deberes: xestionar a compra dos terreos. Non foi así e aínda por riba dende a Deputación fomos tildados de belixerantes e acusóusenos de tentar entorpecer as xestións cando en realidade o único que pretendíamos era que este tema non caera no esquecemento… Sen embargo agora, o Concello deberá tramitar este Estudio de Detalle para que nel se constrúa un edificio e eu pregúntome, si ao final se levanta alí un edificio ¿quen será realmente o culpable?”.
Por último Villares lembrou que o interese na ampliación do Museo do Mar non é un capricho do equipo de Goberno local, “se non que responde a unha inquietude de moitos veciños que ven como as súas doazóns de fondos ao museo teñen que estar arrumbadas en caixas no soto do edificio”.
Por iso, advertiulles aos dous partidos que gobernan na Deputación que “ou asumen as súas responsabilidades e materializan dunha vez por todas o seu compromiso de comprar ou financiar a adquisición de dita parcela”, ou serán os únicos responsables de que o Museo Provincial do Mar quede definitivamente imposibilitado para seren ampliado, “e así llo lembrarán tódolos veciños do Concello de Cervo e da Mariña”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
