A popular, Eugenia Requeijo, cre que “cometeu este erro pola súa ansia por cobrar, que parece que é o único que lle preocupa” á vista das rabietas e shows que monta nos Plenos para manipularnos e acabar conseguindo o que quere, como un neno pequeno”
Muras, 23 de maio de 2024. O PP advirte que “o alcalde de Muras está a cobrar o seu salario de forma irregular porque se saltou a lei no Pleno no que se aprobou a súa dedicación exclusiva”.
O procedemento para a votación nos Plenos está recollido no artigo 100.2 do Regulamento de Organización, Funcionamento e Réxime Xurídico das Entidades Locais: “No caso de votacións con resultado de empate efectuarase unha nova votación, e se persistira o empate, decidirá o voto de calidade do Presidente”.
É dicir, a votación para a aprobación do seu soldo non ten validez legal porque ao haber empate (3 votos a favor, 3 en contra e 1 abstención), habería que votar de segundas; pero non se fixo”, explica a portavoz popular, Eugenia Requeijo. “Quedaría aprobado formalmente se repetira a votación e, nese caso, se volve haber empate tería que dicir claramente que quedaba aprobada co voto de calidade do alcalde, que é o que desempata”.
Eugenia Requeijo considera que “o alcalde pretende facer ver que el sempre é o que fai as cousas ben, pero non. Parece que tiña moita presa por aprobar o seu soldo. O que o levou a cometer ese erro foi esa ansia por cobrar, que parece que é o único que lle preocupa como demostrou coa súa rabieta política para conseguir sacar adiante a súa dedicación, como fai sempre para manipularnos e acabar conseguindo o que quere, como un neno pequeno”.
“O alcalde sabe que non fixo as cousas ben, pero non o conta. Engana aos veciños e veciñas, faise a vítima e minte, como fai sempre, para deixar mal aos demais. Quero aclarar que, aínda que el diga que non, o Partido Popular si lle trasladou a súa proposta para sacar adiante o pago de facturas; pero negouse a aceptar. Resúltalle máis fácil acusar á oposición que escoitar de verdade as nosas peticións”, indica Eugenia Requeijo.
“O ano pasado non houbo presupostos municipais. E este ano levamos o mesmo camiño. Se iso pasa será pola falta de traballo do alcalde e o goberno municipal do BNG”, conclúe a popular.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
