O que espera un veciño dos seus representantes políticos e que estean á altura na defensa dos intereses do seu concello e traballen a reo na procura de investimentos e melloras para o seu pobo. De xeito inexplicable, en San Ciprián, parece que algúns deles non teñen aprendida esta lección tan básica. Así se desprende das críticas desproporcionadas e absolutamente fóra de lugar protagonizadas polo Grupo Municipal Socialista en contra do proxecto de Portos de Galicia, que promove a construción e réplica en tamaño real dunha goleta tradicional que fai tempo existiu no noso pobo.
Como veciños non saímos do noso asombro ao comprobar como en vez de felicitarse porque chegan novos investimentos, aos edís do PSOE parece sentarlles mal que o seu pobo reciba cartos, sexa obxecto dunha boa nova destas características, e pase a formar parte do mapa daquelas privilexiadas vilas nas que veciños e visitantes poden observar o proceso de construción dunha embarcación tradicional e visitala con posterioridade.
Desde a asociación de veciños Cruz da Venta non podemos máis que felicitarnos porque San Ciprián sexa receptor deste tesouro -qué mellor palabra para definilo- Tesouro cultural, polo que significa recuperar e poñer en valor parte noso pasado máis recente, incluso a goleta levará o nome de San Ciprián. Tesouro turístico polo impulso que neste ámbito suporá dispoñer dun atractivo destas características. E tesouro tamén polos postos de traballo que garante, evitando a desaparición dunha actividade artesanal como son as carpinterías de ribeira, que merecen todo o noso recoñecemento e protección, se non queremos que rematen por ser unha foto do pasado.
A nosa foi unha vila mariñeira durante moitas décadas e aspira a seguir facendo de cada día, de cada festa, de cada rúa unha homenaxe ao mundo do mar, que noutro tempo tivo a honra ver como navegaban nas súas augas estas goletas. Que a miopía e o apaixonamento político non impida ver o moito e bo que este proxecto representa. Que non teñamos que volver a presenciar como uns políticos, neste caso os edís socialistas, tiran pedras contra o seu propio tellado.
AA.VV.”CRUZ DA VENTA” – San Ciprian
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
