Lamentable a demagoxia e a pouca ética coa que algúns membros da oposición manipularon a poda e a eliminación de certas árbores que danaban os edificios do colexio Gregorio Sanz. Recordarán cando algún membro do Bng dicía que “en política non todo vale”… pois efectivamente, non todo vale e eles xa o deberían ter ben sabido.
Foi tal a demagoxia que “sentimentalmente” estaban moi afectados polo inmenso cariño que lle tiñan a esas árbores e polo que parece ser supoñían para algún. Apaixoados sí resultaron ser, porque é ben curioso que os que máis afectados parecían estar, coñecen o Gregorio Sanz dende hai catro días e os que nos criamos e nos formamos neste centro non presentamos ningún síntoma depresivo. Ai… CANTO CONTO!! Canta ideoloxía partidista para manipular e facer dano, aínda non sabemos moi ben a quén…
A poda realízase porque houbo unha petición verbal por parte do centro. Visitamos as instalacións como tantas outras veces, e entre a dirección do centro, os técnicos e traballadores municipais, analizáronse qué árbores precisaban poda, que eran todas porque levaba anos sen facerse, e cales había que eliminar porque supoñían algún risco, danaban algunha estrutura, producían humidades ou impedían o paso da luz. Con normalidade absoluta. Como sempre o fixemos. Porque nós xa estivemos alí cando houbo que facer reformas. Porque os que estudamos nese centro, SÍ lle temos cariño e observamos a necesidade de inversión no colexio.
Por certo, o sentimentalismo dalgún debe ser máis recente porque cando houbo que xestionar inversión non apareceron por alí. Ai si!! Perdón!! Apareceron poñer paus nas rodas para a instalación do ascensor!! Como sempre, embarrando e facendo dano amparados nunha ideoloxía partidista. ¿Para qué pensar nos nenos e nenas que estudan alí?
Esta actuación forma parte das melloras do centro. O que non se pode é contar cun sistema de intelixencia lumínica e que as árbores impidan a entrada de luz natural. E moito menos que se danen as estruturas dos edificios ou metan humidades como pasaba na casa do conserxe. En breve hai que tirar todo o cierre perimetral e facer un novo. Xa sabemos que iso os máis “sentimentales” lles vai supoñer un disgusto pero Ribadeo Avanza e o colexio Gregorio Sanz, avanza con él.
Costa moito entender o que unha parte do Bng nos quere trasladar, dicimos unha parte porque ó estar tan divididos costa entendelos. Isto xa pasou hai anos, cando un concelleiro do Bng mandou eliminar árbores que danaban o cierre perimetral, onde actualmente está o campo de herba artificial. Ninguén da oposición dixo nada excepto esa parte do Bng que, como dicimos, todo lles cheira e nada lles vale (xa daquela había división pero disimulaban mellor) e acusaron a dito concelleiro de poda indiscriminada. É certo que naquela ocasión non había informe técnico, pero nós non cuestionamos a ninguén e pensamos que se fixo con criterio e sensatez.
Pero, ¿A QUÉN PRETENDEN ENGANAR?
En fin, nós ó noso, traballando arreo por Ribadeo e polos intereses dos nosos veciños.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
