O evento, que tamén conta cunha andaina, pecha inscricións o xoves 7 de novembro
Barreiros, 6 de novembro de 2024. Máis de 200 persoas xa están inscritas na sexta edición da carreira popular Ao Son do Masma, última proba das 6 que compoñen o circuíto de carreiras populares +KmsBarreiros e que terá lugar este domingo, 10 de novembro desde as 10:30 horas nas escolas de Celeiro de Mariñaos.
O prazo de inscrición estará aberto ata este xoves 7 de novembro e farase a través da web oficial do circuíto www.maiskmsbarreiros.gal. A proba conta con categoría adulta (salmóns), sub-16 (sollas), sub-14 (lampreas), sub-12 (anguías), sub-10 (reos), sub-8 (troitas) e pitu@s (troitiñas). Todas as categorías de menores son con inscrición gratuíta.
A saída da andaina, que terá un percorrido de 9 km, será ás 10:30 horas, logo, a partir das 11:00 h. terán lugar as probas infantís e xa, ás 12:00 h. darase a saída da proba absoluta. Os dorsais de todas as probas poderán ser recollidos a partir das 10:00 horas nas escolas de Celeiro de Mariñaos.
Circuíto +KmsBarreiros
O Circuíto de Carreiras Populares de Barreiros é un evento anual organizado polo Concello de Barreiros dende a súa área de Dinamización e Participación Veciñal que recibe o nome de “Circuíto +KmsBarreiros” e que vai xa pola súa terceira edición.
Neste circuíto enmarcase as 6 carreiras populares que se celebran en Barreiros: a carreira solidaria de Reis (xaneiro), a carreira popular Das Praias (abril), a subida ½Km Vertical (xullo), a carreira popular Benquerencia Terra Mar (agosto), o trail Monte Comado (outubro) e a carreira Ao Son do Masma (novembro).
O concelleiro de dinamización, Dani García apunta que: “Á falta de disputarse a última proba deste circuíto que terá lugar o domingo en Celeiro, a clasificación está moi aberta na maioría de categorías polo que agardamos unhas carreiras moi interesantes”. O concelleiro subliña que “á marxe das clasificacións e os premios finais, o circuíto o que busca e fomentar a práctica deportiva á vez que se organizan eventos de ocio que atraen un turismo natural e desestacionalizado que descubre as bondades do noso territorio tan rico de recursos naturais”.
García agradece ás asociacións organizadoras das probas, A.D. Praias de Comado, A.D. Augas Santas e C.C. Ollomao o seu compromiso e traballo para levar a cabo estas carreiras populares así como aos establecementos colaboradores e os voluntarios de Protección Civil de Barreiros. “Sen o apoio de todas estas persoas que xeran unha rede asociativa sería moi difícil levar a cabo un circuíto destas características e máis convertelo nun referente na comarca como está a ser o +KmsBarreiros polo que quero agradecer publicamente a súa gran labor”.
O lobo, os cabalos e as persoas comparten desde hai séculos un mesmo territorio, unha convivencia que forma parte da realidade do rural e que presenta importantes retos. No marco da programación das San Lucas 2026, o Concello organiza este encontro para reflexionar e dialogar sobre esta situación, escoitar diferentes perspectivas e abordar os desafíos que implica compartir espazo co lobo. A cita terá lugar este mércores 21 de outubro, ás 18:30 horas, no Auditorio Pascual Veiga. Trátase dun tema de grande relevancia para o presente e o futuro do rural.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
