Burela, 21 de outubro de 2026. O Concello de Burela segue comprometéndose coa protección e o benestar dos animais coa instalación dunha nova casiña destinada a acoller aos gatos dunha das colonias felinas do municipio. Este novo refuxio permitirá mellorar as condicións nas que viven estes animais, ofrecéndolles un espazo acondicionado e protexido, ao tempo que facilitará o labor das persoas que se encargan diariamente do seu coidado.
A iniciativa enmárcase no compromiso municipal coa xestión ética das colonias felinas e supón tamén un recoñecemento ao traballo que desenvolven a Protectora Bigotes e as persoas alimentadoras voluntarias. A súa implicación resulta fundamental para garantir a alimentación dos gatos, manter a limpeza dos espazos, detectar posibles problemas de saúde nos animais e colaborar nas campañas de esterilización.
Froito deste traballo conxunto, no que vai de ano xa se esterilizaron 34 gatas, recolléronse 26 gatos e conseguíronse realizar 28 adopcións. Estas actuacións contribúen a controlar a poboación felina, evitar camadas non desexadas e facilitar que os animais que poden ser adoptados atopen un fogar.
Como parte desta iniciativa, o Concello incorpora tamén un carné identificativo para as persoas alimentadoras autorizadas, co obxectivo de recoñecer o seu labor e facilitar a coordinación dos coidados das colonias felinas. Esta acreditación vai acompañada dun compromiso de actuación baseado en pautas comúns, como proporcionar auga limpa e fresca, utilizar preferentemente penso seco, manter en boas condicións hixiénicas os puntos de alimentación e comunicar a chegada de novos gatos ou a presenza de animais enfermos ou feridos. Hai que ter en conta que ao longo deste ano, foron 23 os felinos que faleceron, a maioría recollidos na rúa.
Ademais, as persoas colaboradoras contarán cun kit de apoio que inclúe penso, luvas, xel hidroalcohólico, unha pinza para retirar carrachas e unha libreta con bolígrafo para poder anotar posibles incidencias. Desta forma facilitaríanse as tarefas diarias e o seguimento das necesidades de cada colonia.
A instalación do novo refuxio e a incorporación destes recursos forman parte do Plan de Control e Xestión Ética de Colonias Felinas Urbanas de Burela, aprobado o pasado 27 de xullo e publicado no Boletín Oficial da Provincia o 3 de agosto de 2026. Este plan establece un marco de actuación para organizar a atención ás colonias felinas do municipio e aplicar o método CER (captura, esterilización e retorno), que permite controlar a reprodución dos gatos comunitarios e mellorar as súas condicións de vida.
Desde o Concello agradécese especialmente a dedicación da Protectora Bigotes e das persoas que colaboran de forma habitual no coidado destes animais, destacando a importancia da súa participación para avanzar cara a unha convivencia responsable e respectuosa.
Así mesmo, o goberno local anima á veciñanza a que respecte os refuxios e os puntos de alimentación habilitados, ademais de colaborar seguindo as indicacións municipais.
Con estas actuacións, Burela reforza o seu compromiso co benestar animal, a convivencia e o coidado responsable dos espazos públicos, ao tempo que pon en valor o traballo das persoas que fan posible, día a día, unha atención organizada e continuada ás colonias felinas do municipio.
O venres descubrirase a placa que oficializa o nomeamento da Biblioteca Municipal co seu nome, dentro da iniciativa “Miradas sobre Agustín 2026-2027”, que busca divulgar o legado do escritor e apoiar a súa candidatura ás Letras Galegas de 2028. O programa inclúe unha exposición, a lectura dun manifesto e unha conferencia. O sábado entregarase no Auditorio o IX Premio Agustín Fernández Paz de narrativa infantil e xuvenil pola Igualdade. Rouco destacou a importancia de visibilizar a figura do autor e convidou a veciñanza a participar nos actos.
As nenas e nenos coñeceron o proceso de moenda e levaron unha mostra de fariña. García destacou a importancia de achegar a realidade do rural á infancia e agradeceu a colaboración das granxas, ANPAS e centros educativos. O Muíño de Coea é unha das novas incorporacións a un programa que este ano inclúe 210 actividades e chega a máis de 6.000 escolares de 74 centros da provincia.
O lobo, os cabalos e as persoas comparten desde hai séculos un mesmo territorio, unha convivencia que forma parte da realidade do rural e que presenta importantes retos. No marco da programación das San Lucas 2026, o Concello organiza este encontro para reflexionar e dialogar sobre esta situación, escoitar diferentes perspectivas e abordar os desafíos que implica compartir espazo co lobo. A cita terá lugar este mércores 21 de outubro, ás 18:30 horas, no Auditorio Pascual Veiga. Trátase dun tema de grande relevancia para o presente e o futuro do rural.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
