Ribadeo, 10 de decembro de 2024. Acisa Ribadeo lanza unha nova campaña de captación de socios, tras a súa recente remodelación, que se prolongará ao longo das vindeiras semanas. O colectivo empresarial sumou nove novos asociad@s no último ano e conta con preto de 170 negocios adheridos.
Desde Acisa a súa presidenta, Carmen Cruzado, dixo: “gustaríame en nome da nosa directiva e xerencia darlles a todas e todos os novos socios publicamente a benvida á nosa asociación (By Hortensia, Mariscos Ribadeo, The Fisherman, Barallocas, Arrancadeira, Copacabana, O Lar de Carmiña, Pertejo e Multitienda Teresa) e aproveito tamén para animar aos negocios de Ribadeo: comerciantes, hostaleiros, industriais, servizos e autónomos, hoteis, etc, a que nos chamen para que os visitemos ou para que se acheguen ás nosas instalacións e lles expliquemos cara a cara todas as vantaxes que supón formar parte de Acisa. Aquí traballamos para dinamizar e potenciar a actividade económica de Ribadeo e para que iso repercuta no tecido empresarial. Non debemos esquecer que todo o empresariado é benvido, que todas as empresas, sexan do sector que sexan, teñen cabida na nosa entidade e que cantos mais sexamos mais poderemos facer por Ribadeo e pola nosa economía”.
O xerente, Jesús Pérez, insistiu en que “en Acisa atoparán todo tipo de asesoramento sobre subvencións, axudas, programas específicos ou cambios normativos. Os asociados e asociadas contan con materiais gratuítos para os seus negocios como poden ser bolsas para o comercio de tea e de papel e para a hostalería, tamén envases de comida para levar, vasos térmicos, mapas para hoteis, vasos de ocio nocturno, papel de regalo, material de rebaixas, cartelería oficial, etc… así como todo o referido ás múltiples e variadas campañas que organizamos ao longo de todo o ano. Ademais temos asinados hasta 12 convenios de colaboración beneficiosos para todos os nosos asociados, que tamén lles axudarán a aforrar custes, como poden ser en transportes, entidades bancarias, etc”.
Pérez Prada sinalou que “oo longo das vindeiras semanas faráselles chegar a diversos negocios, mediante mensaxes mail ou cartas físicas, toda a información do traballo que Acisa Ribadeo veu facendo neste ultimo ano para convencelos e que se dean de alta na nosa entidade que conta con 35 anos de vida. Calquera empresa interesada en obter máis información pode dirixirse á nosa oficina de luns a xoves de 9:30 a 14:30 e de 15:30 a 17:30 horas e os venres de 9:30 a 14:30 horas ou chamando por teléfono ao 663 39 62 26”.
Cruzado Iglesias engadiu: “estamos agora mesmo traballando nas campañas que se desenvolverán ao longo do ano que ven, como as de San Valentin, as do día do pai e da nai, pero haberá novidades de aquí ao verán co reparto de moitos premios entre a clientela dos negocios locais, xornadas gastronómicas…. Sen esquecer que non hai mellor momento para darse de alta que nesta temporada, na que temos en marcha a campaña de Nadal, na que lles ofrecemos aos nosos asociados e asociadas a posibilidade de premiar as compras ou consumicións dos seus clientes cos grandes premios da festa do comercio: unha viaxe a Mallorca, 6.000 euros en vales de compra e dúas xoias de alto valor. Sen esquecer, as bolsas que ofrecemos para este Nadal, así como as que se ofrecerán na campaña de rebaixas, o variado material para a hostalería”.
Pérez Prada engadiu que “neste 2024 vimos de realizar preto de 50 actividades, dende a entrega de materiais como xa citamos, sorteos de dinamización comercial, con diferentes premios, diferentes xornadas gastronómicas, cursos de formación, servizos dixitais, etc. Sen dubida creemos que en Acisa, a dia de hoxe, ofrece unha gran variedade de servizos beneficiosos para os seus membros, que o próximo 2025 ademais van ver ampliados e mellorados tras os cambios aprobados hai unhas semanas en asemblea xeral e o anuncio de novas subvencións á nosa entidade”.
A presidenta de Acisa anima “a todos os establecementos a darse de alta nestas datas para poder aproveitar xa a campaña de Nadal, e as próximas ao inicio do 2025, ademais a quen se dea alta en decembro, como promoción especial regalarémoslle a couta correspondente a este mes, poderá participar na campaña de Nadal, e comezará a pagar no vindeiro mes de xaneiro”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
