A Mariña, 27 de xaneiro de 2025. FITUR 2025 pechou onte as portas da súa 45 edición, na que participaron máis de 9.000 expositores e de 150.000 profesionais. A Mancomunidade de Concellos da Mariña Lucense estivo presente un ano máis e valorou de xeito moi positivo o seu paso por esta feira de turismo, que serve de proxección mundial e que funciona como plataforma de negocios no sector.
O pasado xoves a Mancomunidade presentou en FITUR a súa nova campaña de comunicación interna A Mariña latexa contigo, evento no que estivo arroupada por autoridades, turoperadores, prensa especializada e profesionais do sector.
A campaña A Mariña latexa contigo tivo unha gran acollida por parte do público especializado, que ve nesta iniciativa unha oportunidade de promoción singular e a través das propias persoas que viven e dan vida ao territorio da Mariña.Tamén os veciños e veciñas da Mariña recibiron cos brazos abertos a iniciativa da que son os grandes protagonistas xa que, cunha visión moi persoal, achégannos aos seus concellos, describindo os recursos e experiencias más salientables de cada lugar e conformando así unha oferta turística chea de agarimo e autenticidade.
Campaña viral
O lanzamento da campaña xerou unha gran expectación nas redes sociais e en menos de 48 horas de exposición acadou elevadas cifras de interacción, o que amosa o interese e o apoio por parte do público. O vídeo principal da campaña que foi subido ás redes sociais da Mancomunidade e dos Concellos participantes chegou ás 300.000 reproducións totais e suscitou máis de 9.000 interaccións (Me Gusta, Comentarios, Compartido).
Ante este gran recibimento, a vicepresidenta da Mancomunidade de Concellos da Mariña Lucense, Ana Ermida, quixo agradecer “a todas as persoas que formaron parte da iniciativa, especialmente a aquelas que puxeron rostro e voz á campaña, xa que se converten en embaixadoras auténticas dun territorio único e fermoso, tanto polas súas paisaxes coma polas persoas que forman parte del”.
Encontros profesionais
Representantes da Mancomunidade aproveitaron tamén o seu paso por FITUR para manter encontros orientados á promoción do xeodestino e ao seguimento de diversos proxectos. Así, entre outras, reuníronse con membros do clube Soy Ecoturista interesándose por esta marca que agrupa destinos e empresas que ofrecen experiencias de ecoturismo en destinos con espazos protexidos; participaron nunha mesa de traballo vinculada ao Camiño do Mar co xeodestino de Ferrolterra-Ortegal; e mantiveron unha reunión con membros de Daboecia Arte y Naturaleza sobre o Encontro de Turismo e Observación da natureza NatureWatch que terá lugar a finais de marzo na Mariña.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
