Cada 8 de febreiro celébrase a Xornada Mundial de Oración e Reflexión contra Trata de Persoas. É a memoria de santa Josefina Bahkita, unha santa sudanesa que, na súa infancia, foi vendida como escrava e foi vítima de trata. O seu proceso de sufrimento e de liberación preséntase como luz de esperanza para tantas persoas que hoxe seguen sufrindo procesos de trata, a nova escravitude do século XXI. Esta realidade, en palabras do papa Francisco, convértese nunha “chaga no corpo da humanidade contemporánea, unha ferida na carne de Cristo”. Sen dúbida, unha ferida terrible, dramática, que é preciso sandar e ante a que non podemos pasar de longo.
Estamos nun ano xubilar. Abriámolo solemnemente hai pouco máis dun mes. O ano xubilar continúa a tradición aberta polo propio Cristo que, na sinagoga da súa cidade de Nazaret, identificou a súa misión como un “ano de graza” para dar a liberdade aos cativos, dar a vista aos cegos, poñer en liberdade aos oprimidos… Este proceso de liberación e de esperanza, que continúa ao longo dos séculos, é o que está presente durante este ano xubilar como graza persoal e social.
Precisamente na vontade de xerar estes signos de esperanza no medio do noso mundo, a nosa diocese de Mondoñedo-Ferrol elixiu, en unión con todas as Igrexas de España, a realidade de trata de persoas como signo xubilar. Preténdese que durante o ano xubilar coñezamos, acompañemos e apoiemos o proxecto que as Oblatas teñen na cidade de Ferrol con persoas que están en situación de trata. Ao longo destes meses realizaremos algunhas colectas de apoio, pero tamén coñeceremos mellor o proxecto que esta congregación ten preto de nós para xerar unha nova cultura que nos faga combater a trata de persoas e erradicar as causas que a producen.
Habemos de recoñecer que nos enfrontamos a unha realidade escondida na nosa sociedade pero, tristemente, moi presente. A explotación de persoas que son utilizadas principalmente con fins sexuais é un enorme drama. Aproveitan a súa vulnerabilidade e a súa dependencia, principalmente económica, para utilizalas ou controlar a súa vontade. Trátase, sen dúbida, dun atentado á dignidade infinita que toda persoa posúe. Por iso, visibilizar ás persoas que sofren trata e os seus procesos de instrumentalización é xa un camiño para erradicar o problema.
Afortunadamente hoxe existen moitas realidades, principalmente eclesiais, que acollen, escoitan e acompañan integralmente a estas persoas nos seus procesos de curación e recuperación. Convértense así en lugares e signos de esperanza para estas persoas que tanto o necesitan. Son
espazos capaces de procrear nova vida, atreveríame a cualificar de resurrección, e convértense así en prolongación da presenza do Resucitado entre nós.
Ademais, estes proxectos, como o que temos na nosa diocese, están chamados a sensibilizarnos sobre dinámicas e propostas legais e culturais que transformen esta cultura pansexualizada, na que a pornografía deformou substancialmente as relacións persoais. Trátase, en definitiva, de traballar pola dignidade de todas e cada unha das persoas, por poñer a súa dignidade no centro das nosas relacións para que nunca sexan utilizadas nin cousificadas. Oxalá que o noso apoio a estas iniciativas durante o ano xubilar sexa unha pequena luz que nos axude a levar esperanza a este mal que ten rostros concretos.
O teu irmán e amigo,
Fernando García Cadiñanos
Bispo de Mondoñedo-Ferrol
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
