Nota de prensa:
Economía e Industria compromete un apoio de un millón de euros para respaldar o plan de expansión comercial de Sargadelos e manter máis dun cento de postos de traballo
*
O conselleiro Javier Guerra apuntou que a Xunta “aposta por Sargadelos e polo seu potencial”, e cualificou a mobilización das axudas “como unha magnífica noticia para unha empresa que leva o nome de Galicia polo mundo adiante e para os 108 empregados cos que conta na actualidade”
*
O apoio, ligado ao mantemento do emprego, implica o compromiso por parte da empresa de retirar o ERE de extinción presentado para convertilo nun ERE de reducción para axustar os ritmos de produción
*
A empresa presentará tamén un novo plan de viabilidade que reflicta o investimento en promoción e expansión comercial e o seu impacto nas vendas
Santiago, 18 de novembro de 2010.- A Consellería de Economía e Industria vén de comprometer unha axuda global dun millón de euros para apoiar o plan de expansión comercial de Sargadelos e acadar así o mantemento dos máis dun cento de empregos cos que conta a compañía. Así o manifestou hoxe o conselleiro Javier Guerra, despois de manter un encontro coa dirección da empresa, os representantes dos traballadores e o alcalde de Cervo, no que tamén estivo presente a delegada territorial da Xunta en Lugo, Raquel Arias.
“A axuda”, explicou Javier Guerra, “chega por dúas vías e con carácter bianual, é dicir, serán 400.000 euros a fondo perdido e 600.000 euros a través dun préstamo participativo de Xesgalicia, sociedade dependente do Instituto de Promoción Económica”. O conselleiro de Economía e Industria apuntou que a Xunta “aposta por Sargadelos e polo seu potencial”, e cualificou a mobilización das axudas “como unha magnífica noticia para unha empresa que leva o nome de Galicia polo mundo adiante a para os 108 empregados cos que conta na actualidade”.
As axudas teñen como destino o respaldo ao plan de expansión comercial da compañía, para permitir un incremento das vendas, e chegan despois do acordo alcanzado para a presentación dun novo plan de viabilidade no que se recolla, precisamente, o investimento en promoción e expansión comercial e o seu impacto nas vendas, e do compromiso por parte da empresa de retirar o ERE de extinción presentado para convertilo nun ERE de redución co obxecto de axustar os ritmos de produción. As axudas, como vén sendo norma da Consellería de Economía e Industria, están ligadas ao mantemento dos postos de traballo.
Tanto o alcalde de Cervo, Alfonso Villares, como a representante do comité de empresa, Rogelia Mariña, e os da compañía, José Luis Vázquez e José María Martínez, agradeceron “a implicación da Consellería de Economía e Industria e do Goberno da Xunta para impulsar a actividade dunha compañía histórica como Sargadelos”, polo que amosaron a súa “completa satisfacción e agradecemento”
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
