O adestrador salmantino formou parte do corpo técnico laranxa durante dez tempadas, repartidas en dúas etapas, nas que axudou a conquistar 21 títulos
Burela, 4 de xullo, 2025. Julio Delgado non continuará á fronte do equipo feminino do Burela FS a próxima tempada. Club e adestrador separan os seus camiños despois de dez tempadas do salmantino no corpo técnico do conxunto feminino, repartidas en dúas etapas. Nesta última, de catro campañas, Julio conquistou dúas Ligas (22/23 e 23/24), tres Copas da Raíña (2022, 2023 e 2025), dúas Supercopas (2023 e 2024) e dúas Copas Galicia (2023 e 2025). Únense ás tres Ligas (15/16, 19/20 e 20/21), tres Copas (2019, 2020 e 2021), tres Supercopas (2015, 2019 e 2021), dúas Copas Galicia (2019 e 2021) e unha Recopa oficiosa (2019). En total son 21 títulos conseguidos de laranxa -5 Ligas, 6 Copas da Raíña, 5 Supercopas, 4 Copas Galicia e a Recopa-, ademais de obter o recoñecemento como o mellor adestrador do Mundo no 2021, premio concedido pola revista especializada Futsalplanet.
Julio Delgado González (Salamanca, 1969) chegou ao banco do conxunto feminino laranxa na tempada 2015/2016, aínda que non era a súa primeira experiencia como adestrador do Burela FS, xa que en xaneiro de 2012 convertíase no técnico do equipo masculino e baixo a súa batuta debutaba o equipo en Primeira División na campaña 2012/2013, logo de caer na final dos play off de ascenso ante o Martorell e renunciar o conxunto catalán á máxima categoría.
Chegou ao corpo técnico laranxa no verán de 2015 para formar un exitoso tándem con Iván Cao Valle, ‘Lucas’, xa que na primeira tempada vencían a liga e a Supercopa. Julio foi gañando protagonismo co paso das tempadas e rematou como primeiro adestrador do equipo, comandando a época máis gloriosa do equipo laranxa, que deu inicio na campaña 2018/2019 coa consecución en Vista Alegre dunha inesquecible Copa da Raíña tras unha final emocionantísima ante o Futsi Atlético Navalcarnero que só se puido resolver na quenda de penaltis. A partir de aí, o Burela FS estendeu un dominio total sobre os títulos nacionais.
Pechou a súa primeira etapa ao finalizar a campaña 2020/2021, pero só oito meses despois, en abril de 2022, regresaba para substituír ao propio Lucas. Nese final de campaña fíxose coa Copa da Raíña en Ourense e levou ao subcampeonato ligueiro ao cadro burelense, chegando a ser a entidade mariñana un dos mellores equipos da historia do fútbol sala español. Julio Delgado despídese do Burela FS despois dunha tempada na que conquistou a Copa da Raíña disputada en Cartaxena e a Copa Galicia, cuxa final se celebrou en Lugo ante o Castro. En cambio, quedou fóra da Supercopa en semifinais, ao caer ante o Torreblanca Melilla e non puido disputar a final de Liga despois de caer en semifinais fronte ao Futsi Atlético Navalcarnero, nunha serie que se resolveu desde o punto de penalti no terceiro partido.
A entidade deséxalle ao adestrador a mellor da sortes na súa nova etapa deportiva, facendo constar que esta será sempre a casa de Julio, como o foi durante tantos anos, como xogador e como adestrador ao que lle agradecemos todo o seu traballo e éxitos logrados nesta última etapa.
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
