O ala-peche brasileiro, que aportará disciplina táctica, experiencia e continuidade en ataque, é a sexta incorporación do conxunto laranxa
www.ernestoaradilla.com
Burela, 31 de xullo, 2025. Os camiños de Meira e o Burela FS vólvense atopar seis meses despois de que o ala-peche brasileiro abandonase a disciplina burelista para xogar a segunda metade da tempada pasada no Unión África Ceutí, logo de que na primeira metade só participase en seis encontros coa camiseta laranxa. Deste xeito, Meira regresa ao Burela FS coa firme intención de “rematar algo que quedou incompleto”. Con esta incorporación, o club busca contar cun xogador disciplinado tacticamente, con experiencia na máxima categoría, que sabe moverse co balón nos pés e que achegue continuidade en ataque ao equipo.
Guilherme Meira Acioli (São Paulo, 26/04/1996) é un ala-peche destro de 29 anos xa curtido despois dunha carreira na que competiu nas primeiras categorías do seu país natal, Portugal e España. Criado nas categorías inferiores do Corinthians, deu o paso ao primeiro equipo na campaña 2014/2015 e mantívose no equipo paulista ata a 2017/2018. Despois incorpórase ao Copagril unha campaña e desde aí dá o salto ao fútbol sala portugués na 2019/2020, xogando primeiro un curso nos Beleneses e comprometéndose na 2020/2021 co AD Fundão. Unha tempada máis tarde pasa ao fútbol sala español competindo dúas campañas co Jimbee Cartagena e regresando ao seu país na 2022/2023 para vestir a camiseta do histórico Carlos Barbosa. Tras media tempada recala de novo no Fundão e o pasado curso arriba a Burela para competir novamente en Primeira División. Como laranxa disputou 6 encontros, todos eles empezando como suplente. En xaneiro, tras deixar de entrar nos plans de David Rial, ficha polo Unión África Ceutí e non pode evitar o descenso do cadro norteafricano -agora repescado de novo á categoría- a pesar dunha notable achega con 16 encontros disputados e 4 goles anotados.
O futbolista brasileiro recoñece que aceptou a proposta da entidade “porque necesitaba rematar algo que quedou incompleto”, confesa. É por iso que agarda “que a segunda etapa sexa moito mellor que a primeira, así que imos escribir unha nova historia e que estea cargada de bos capítulos e excelentes recordos”, afirma.
Meira defínese como un futbolista que “deixa todo na pista, coma se fose un afeccionado máis dentro dela, e que tenta ser un xogador completo e que axuda ao equipo en todas as situacións do partido”, apunta. O ala-peche paulista espera achegar “moito traballo, dedicación e a ilusión de poder levar ao equipo de novo á máxima categoría. Será unha tempada moi importante e espero que podamos facer cousas bonitas na liga”, avanza.
Finalmente, ten unha mensaxe para a Familia Laranxa. “Veño con moita ilusión e cunha débeda pendente. Oxalá que esta vez saia todo ben e, como dixen, deixarei todo o meu esforzo dentro da pista en cada momento. Imos necesitar de todo o apoio da afección para chegar lonxe e cada partido na casa será de suma importancia para iso. Que sexa unha historia fermosa e de moito éxito!”, conclúe Meira.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
