Ribadeo, 31 de xullo de 2025. Todo está listo en Ribadeo para a celebración da Xira de Santa Cruz, Festa de Interese Turístico Galego, que terá lugar o vindeiro domingo, 3 de agosto.
O alcalde, Dani Vega, manifestou: “chegou a Xira de Santa Cruz, unha celebración onde se quere enxalzar a música tradicional, a gaita e a todas as persoas que levan defendendo a música tradicional e que chegara a todos os sitios, e desde logo a Xira, que leva moitos anos celebrándose, grazas a Amigos da Gaita, grazas a ese traballo intenso que constantemente realizan”.
O rexedor cre que “Ribadeo pode presumir de ter unha celebración que homenaxea, evidentemente, á música tradicional e tamén ao gaiteiro de Santa Cruz, a ese gaiteiro que foi feito por Faílde, deseñado por Faílde, ese escultor ourensán. Eu creo que poñer en valor a Xira de Santa Cruz, que dende hai uns anos para acó volveu recuperar o que era a Xira, un encontro de moitas familias, de pasar o rato, de honrar evidentemente á música tradicional e tamén disfrutando todos os rapaces e rapazas. Creo que hai que felicitar a Amigos da Gaita polo que fai na Xira e polo que fai todos os días, por que é un traballo intenso, pero é un traballo constante o que fan, que evidentemente a música tradicional continúe nas nosas vidas”.
E engadiu: “e tamén destacar que Preto de Ti, a Concellería de Benestar Social, vanse de Xira todos, xa é o segundo ano, e van pasar un rato moi agradable convivindo con todas esas persoas que antes ían á Xira, ao mellor dende hai uns anos xa non poden ir, e agora grazas á actividade de Preto de Ti volven ir á Xira. Será un domingo que vamos pasar en familia, en amigos, e sobre todo pensando que hai que seguir coidando e velando pola música tradicional”.
Os actos darán comezo o sábado con pasarrúas e co pregón no Quiosco da Música a partir das 20:00 horas e seguirán o domingo tamén con pasarrúas e actuacións no Cantón dos Moreno desde as 11:45 horas, despois subida a Santa Cruz e xantar tradicional e ás 19:00 horas ofrenda floral e concertos no monte.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
