Estos días está en Ribadeo a exposición ‘Nós tamén fomos emigrantes’, con fotos relacionadas coa emigración entre a guerra e os anos 60. Cando vin o cartel, fíxenme á idea de vela, na Oficina de Turismo. E alí fun hoxe.
Certo, non é a idea que tiña dunha exposición sobre a emigración galega. A exposición consta de fotos diversas, pero en xeral, de grupo. É dicir, de grupos encadrados na ‘emigración oficial’, ‘respaldada e organizada polo estado’, etc. Ou sexa, dunha parte da emigración, dulcificada e na que aparece o estado non como causante senón como provedor de futuro da xente. Un grupo de mulleres que é formado por monxas durante un mes para emigrar a Australia -1961, varias fotos-, un barco que chega con emigrantes retornados coa ‘operación España’ recibidos en porto por moita xente e unha banda de música -propaganda-, mans en alto co saúdo feixista ó chegar a Alemaña a traballar (neste caso, estamos a falar de 1941…), un empresario que fixo cartos con voos para emigrantes tomando café ó pé dunha estatua de Beethoven en Alemaña -como tipo característico da emigración?- son algúns dos temas. E cando a foto se achega ós rostros, tranquilidade, mesmo sorrisos, ledicia… tanto ó volver como ó marchar! De feito, hai nela fotos que non se sabe se recollen esceas de despedida ou de benvida no retorno. Nada ou moi pouco que poda lembrar ó que nos contaban os nosos familiares ou coñecidos de volta á terriña, ou do que refería Castelao de xeito gráfico, ou do que se pode ver en películas como ‘Un franco, catorce pesetas’, ou mesmo entrever noutras cintas máis antigas que tiñan que burlar a censura. A emigración era tamén así, as fotos son reais, pero, en que proporción? E, mesmo para esa mesma xente, que hai do ‘resto do tempo’?
Si, certo, o título da exposición serve para lembrar que nós, a xente que nos precedeu nesta terra e aínda boa parte dos que a habitan hoxe, foron emigrantes, pero o seu contido implica que ‘fomos emigrantes doutra clase’, ‘organizados, mantidos por un estado que apoiaba’… cando esas son verdades que atinxen a unha mínima parte da emigración e que a máis, aínda deixan fóra, acalan e ocultan moitos aspectos desa parte da emigración que tentan retratar como única.
Coido que a exposición é no mellor dos casos unha oportunidade perdida para amosar de xeito amplo o mundo da emigración, e, no peor, unha mostra de nesgo ideolóxico cun lavado de cara dun tempo pasado. Un evento que recorre Galicia con moita difusión polo respaldo económico de Abanca, feita a partir de fondos gráficos da axencia EFE -fundada por Ramón Serrano Súñer no 1939- e correspondentes ó período de ditadura…
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
