Os senadores do PP por Lugo renovan a cabalgata para reclamar todo e todo á vez. Utilizan o Senado de maneira fraudulenta enganando aos lucenses. Algunhas das mocións que presentan déixanas no caixón e sempre se negan a acordar con outros partidos todo o que mellore o que eles presentan. Á longa lista de meteduras de pata, que vai en aumento a medida que transcorre a lexislatura, engádese unha incoherencia galopante que os leva a manter calquera posición que sirva para atacar ao goberno de España.
Van prometendo todo o que nin fixeron nin reclamaron cando o PP gobernou España; é dicir todo o que deixaron pendente porque co goberno de Rajoy a provincia de Lugo non avanzou nin un só paso nas súas infraestruturas. Moi ao contrario, paralizáronse todos os proxectos que tiveron que ser reactivados cando foron desaloxados do poder por unha Moción de Censura.
Agora esixen un novo acceso de Ribadeo á A8 e o que deberían responder é porque non o fixeron, nin o pediron, cando gobernaron. De igual modo, esixen a ampliación de permisos de maternidade ou a contratación de inmigrantes pola Xunta cando o seu partido se alía coas posicións da extrema dereita que expón a expulsión de 8 millóns de inmigrantes e discrimina ás persoas segundo a súa orixe ou credo relixioso.
Esta ofensiva disparatada ten unha gravísima limitación; nunca reclaman nada que sexa responsabilidade da Xunta de Galicia. Aos senadores do PP non se lles viu o pelo nun dos centros de saúde que permanecen colapsados pola incapacidade do goberno galego. En nada lles importan as carencias sanitarias que tan gravemente están a afectar aos habitantes da Mariña de Lugo. Como tampouco se lles viu reclamar que Viveiro deixe de estar illado por dous das súas vías máis importantes responsabilidade da Xunta; a que debese ser xa a VAC Costa Norte cara a Ortigueira ou a LU 540 a Cabreiros que tan perigosa é para a condución.
Todo lles serve para disparar contra o Goberno utilizando a maioría absoluta no Senado de maneira torticera coa única intención de aparecer nos medios. Pero o que xa é evidente, tras as cabalgatas habituais, é que nada do que fan achega unha soa utilidade a calquera cidadán da provincia de Lugo.
César Mogo
Senador socialista por Lugo
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
