O Vicedo, 22 de agosto de 2025. O Grupo Municipal do PSdeG-PSOE do Vicedo denuncia que o goberno local volve actuar tarde e mal na xestión da prevención de incendios, enviando notificacións ás persoas propietarias de parcelas en pleno mes de agosto, con prazos de só 15 días naturais e con inspeccións realizadas en outubro de 2024.
Cronoloxía dos feitos
. 14 de xullo de 2025 → O PSdeG rexistrou unha moción para garantir a limpeza de parcelas próximas ás vivendas e das faixas secundarias de biomasa, incluíndo prazos claros e campañas de información.
. 30 de xullo de 2025 → O goberno municipal votou en contra da moción.
. Mediados de agosto de 2025 → Chegan as cartas certificadas, asinadas polo alcalde, en relación cunha inspección feita en outubro de 2024 e cun prazo para as limpezas de só 15 días naturais.
. 21 de agosto de 2025 → O alcalde aparece na prensa anunciando a “esixencia” de limpeza de 850 parcelas, das cales 625 nin sequera teñen propietario identificado.
Un problema de planificación
Isto non é prevención, é improvisación. A normativa autonómica establece que as limpezas deben estar feitas antes do 31 de maio de cada ano. Enviar cartas certificadas en agosto non garante a prevención, senón que xera incerteza e problemas adicionais, xa que os traballos nestas datas poden incrementar o risco de incendios polo Índice de Risco Diario de Incendios (IRDI).
Ademais, para previr tamén é fundamental ter operativa a motobomba municipal, que segue sen estar en funcionamento cando máis necesaria resulta como primeiro recurso de resposta fronte aos lumes.
O que propoñía a moción do PSdeG
1. Notificar con claridade e con antelación ás persoas propietarias as súas obrigas.
2. Fixar prazos conforme á normativa (límite 31 de maio).
3. Activar o convenio entre SEAGA, a Xunta de Galicia, a FEGAMP e os Concellos para executar subsidiariamente as limpezas.
4. Desenvolver campañas anuais de información e concienciación con charlas e materiais prácticos.
Para o PSdeG do Vicedo, non se pode gobernar a base de improvisacións e titulares de prensa. O PSdeG-PSOE do Vicedo esixe ao goberno municipal que deixe de lado a improvisación e cumpra coas súas responsabilidades, asegurando unha auténtica prevención durante todo o ano.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
