A alcaldesa, Carmela López, e o concelleiro de Turismo, Ramiro Fernández, representan ao municipio no marco da promoción turística da Mancomunidade de Concellos da Mariña Lucense
Burela, 22 de xaneiro de 2026. O Concello de Burela atópase en Madrid para participar na Feira Internacional de Turismo (FITUR), representado pola alcaldesa, Carmela López, e polo concelleiro de Turismo, Ramiro Fernández, no marco da acción conxunta da Mancomunidade de Concellos da Mariña lucense. Ao evento tamén asistirá a técnica de turismo municipal, que desenvolverá tarefas de carácter técnico relacionadas coa promoción turística do concello.
Durante a mañá de onte, os representantes municipais realizaron unha primeira visita ao recinto feiral e comezaron a establecer os primeiros contactos. A alcaldesa, Carmela López, sinalou que “este evento permítenos coñecer a realidade do sector turístico e as oportunidades que existen para concellos como Burela”.
Hoxe, xoves 22 de xaneiro, o Concello de Burela estará presente na presentación oficial da Mancomunidade de Concellos da Mariña Lucense no stand de Galicia en FITUR. “Trátase dunha acción importante para amosar o traballo conxunto que se está a facer dende a Mariña na promoción turística do territorio”, explicou a alcaldesa.
Pola súa banda, Ramiro Fernández destacou que “xunto co labor institucional, tamén é importante desenvolver un traballo técnico que permita establecer contactos con empresas do sector, visitar a feira e manter relacións con operadores turísticos, co obxectivo de atender as necesidades turísticas de Burela”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
