O Parlamento aproba unha proposta socialista para poñer en marcha medidas para facilitar a corresponsabilidade e a conciliación no sector do mar
Santiago de Compostela, 18 de febreiro de 2026. A portavoz de Igualdade e Marisqueo do Grupo Socialista, Paloma Castro, acusou hoxe ao PP de “seguir discriminando ás mulleres” do sector da pesca. Así o dixo logo de que rexeitaran parcialmente a proposta que presentou na Comisión de Pesca con medidas para reforzar a presenza feminina nas confrarías e nos órganos de dirección das federacións provinciais e autonómica.
Paloma Castro acusou ao PP de “perpetuar a desigualdade” das mulleres na pesca a pesares da súa presenza maioritaria en actividades como marisqueo, acuicultura, transformación ou comercialización. Acusou ao goberno galego de permanecer “de brazos cruzados” diante da “desigualdade permanente” no mar, e reivindicou un sector “moderno, democrático e xusto, onde as mulleres non sexan man de obra invisible senón liderado visible”.
Castro afeoulle ao PP que rexeitara as propostas dirixidas a mellorar a participación das mulleres como candidatas nas eleccións ás confrarías, retirar os obstáculos estruturais e “avanzar cara unha gobernanza máis democrática, xusta e inclusiva”.
Lembrou que o goberno galego leva dous anos de atraso na aprobación do Estatuto das mulleres rurais e do mar, que nacía como ferramenta para recoñecer dereitos, garantir participación e crear mecanismos de seguimento, como Observatorio das Mulleres Rurais e do Mar, que foi recortado polo PP respecto do acordo inicial. Ademais, lembrou, rescindiron a presenza das mulleres nos órganos de representación do sector a través da Lei de Acompañamento aos Orzamentos.
Castro reclamou a posta en marcha dun Plan específico para fomentar a participación das mulleres como candidatas nos procesos electorais das confrarías e modificar a normativa electoral das confrarías para garantir listas paritarias -cremalleira-. Propuxo tamén garantir cotas de xénero nos órganos de dirección das federacións provinciais e autonómica para fixar unha presenza equilibrada de mulleres.
A proposta que presentou hoxe foi votada por puntos polo que aprobaron pedirlle á Xunta que poña en marcha medidas dirixidas a impulsar a corresponsabilidade e a conciliación, así como promover campañas públicas que visibilicen e recoñezan o valor do traballo desenvolvido polas mulleres neste sector.
Texto da iniciativa aprobada hoxe:
O Parlamento de Galicia insta á Xunta de Galicia a:
1. Implantar medidas que faciliten a corresponsabilidade e a conciliación, tendo en conta que historicamente o peso dos coidados e do traballo reprodutivo recaeu maioritariamente sobre as mulleres e que, no sector pesqueiro galego, esta situación se ve agravada por condicións laborais e sociais específicas.
2. Promover campañas públicas que visibilicen e recoñezan o valor económico, social e cultural do traballo desenvolvido polas mulleres do sector pesqueiro, contribuíndo á súa dignificación e recoñecemento social”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
