Burela, 8 de maio, 2026. Na asemblea extraordinaria celebrada a semana pasada, o Club Deportivo Reyco Burela FS expuxo aos seus socios e socias a delicada situación económica que atravesa a entidade, cualificada como de emerxencia e con capacidade para comprometer a súa continuidade a curto prazo.
Durante a sesión, á que asistiron preto dun cento de persoas, a directiva explicou que o principal obstáculo son as obrigas financeiras derivadas de pólizas e préstamos formalizados no ano 2020, integrados na débeda histórica procedente da xestión anterior a 2025. Un dos riscos máis inmediatos é a posible interposición de demandas polo incumprimento destes produtos bancarios, o que impediría afrontar pagamentos esenciais —como Seguridade Social ou impostos— e podería provocar o cesamento da actividade da entidade laranxa.
Ante este escenario, o presidente confirmou que o club xa solicitou formalmente apoio á Deputación de Lugo e á Xunta de Galicia, tanto en forma de patrocinio como de financiamento directo, e que se agarda unha resposta nas próximas semanas.
Paralelamente, o club intensifica contactos con empresas privadas e traballa na posta en marcha de iniciativas de financiamento colectivo. Entre elas, activarase unha campaña de doazóns a través da Fundación Imdecum, co obxectivo de mobilizar o apoio social e deportivo ao proxecto baixo o lema “25 anos de Historia. Corazón e Resistencia”.
A directiva reiterou o seu compromiso coa transparencia e coa prioridade de manter ao día os pagamentos ao persoal e aos provedores. Ademais, fixo un chamamento á responsabilidade colectiva para asegurar o futuro dunha entidade referente no deporte galego.
O presidente concluíu sinalando que a viabilidade do club para a próxima tempada dependerá directamente do éxito das xestións abertas nas vindeiras semanas, tanto no ámbito institucional como no privado.
Como facer a túa doazón a través da Fundación Imdecum
COLABORA. Número de conta: ES90 2080 0109 1630 4002 6828
A Fundación Imdecum (Impulso ao Deporte, Cultura e Turismo da Mariña) é unha entidade sen ánimo de lucro dedicada á promoción do deporte base, a cultura e o desenvolvemento turístico na comarca. A súa traxectoria inclúe iniciativas como as Xornadas do Deporte, o Festival Audiovisual Imaxiña ou o Memorial Heroes do Orzán, que reúne cada ano centos de deportistas de base.
Como fundación de interese galego, Imdecum está suxeita á Lei 12/2006 e ao seu regulamento, que establecen obrigas de transparencia, ausencia de ánimo de lucro e presentación anual da documentación contable e do plan de actuación ante o protectorado da Xunta de Galicia.
As doazóns realizadas á fundación poden acollerse ao réxime fiscal das entidades sen fins lucrativos (Lei 49/2002), permitindo aos doantes acceder a deducións fiscais relevantes e incentivando así a participación cidadá no financiamento das súas actividades.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
