Ribadeo, 15 de maio, 2026. O alumnado do IES de Ribadeo Dionisio Gamallo participou un ano máis no Día da Ciencia na Rúa, organizado polos Museos Científicos Coruñeses. Un total de 20 estudantes de ESO e Bacharelato, acompañados pola profesora de Bioloxía Susi Besteiro, viaxaron á Coruña o sábado 9 de maio para presentar diversos proxectos elaborados ao longo do curso na materia de Proxecto Competencial e no Club de Ciencia.
Os grupos máis novos chamaron a atención do público co cubo flotante caseiro, os oloides imparables e un traballo sobre o picudo vermello, a praga procedente do sueste asiático que está a obrigar a cortar palmeiras en numerosos países. Explicaron que, ao atacar os tecidos internos, a presenza da praga adoita detectarse tarde, cando o dano xa é irreversible. Isto foi o que aconteceu cos dous exemplares do instituto, talados no Nadal. Durante os primeiros meses de curso, o alumnado atopou ramas caídas con insectos vermellos alaranxados, capullos e larvas en distintos estadios, o que os levou a investigar ata identificar o picudo vermello e o seu ciclo vital. O proxecto espertou grande interese entre os visitantes, moitos deles afectados tamén pola praga en palmeiras particulares ou coñecedores dos custosos tratamentos aplicados no propio xardín Méndez Núñez, sede do evento.
O alumnado de 3º e 4º da ESO presentou, ademais, un traballo sobre a importancia da rótula, inspirado na lesión dun compañeiro, e centrouse na prevención do consumo de bebidas enerxéticas e vapers, moi estendidos entre adolescentes. Explicaron que o líquido dos vapers pode conter nicotina e saborizantes como o diacetilo, composto que, ao ser inhalado, pode provocar bronquiolite obliterante, coñecida como “pulmón de palomitas”. A través dunha maqueta, mostraron que esta enfermidade foi inicialmente detectada en traballadores de fábricas de palomitas, pero hoxe afecta tamén a mozos consumidores de vapers, especialmente preocupante porque os dispositivos de última xeración teñen formas que dificultan que pais e responsables os identifiquen.
As alumnas de Bacharelato presentaron dúas maquetas sobre temas de actualidade biolóxica. A primeira, dedicada aos microARNs como interruptores da expresión xénica, traballo polo que Victor Ambros e Gary Ruvkun recibiron o Premio Nobel de Medicina en 2024. A segunda explicou de maneira accesible a inmunoterapia con células CAR-T, unha das revolucións actuais no tratamento de certos cancros, ao reentrenar o sistema inmune para recoñecer e atacar células malignas. Este proxecto tamén tivo moi boa acollida, xa que a inmunoterapia personalizada é hoxe unha realidade clínica combinada coa quimioterapia en moitos casos.
En conxunto, foi unha xornada moi proveitosa na que o alumnado ribadense destacou polo seu traballo, rigor e capacidade divulgativa, recibindo numerosas felicitacións. Os proxectos volverán exhibirse, xunto con outros novos, os días 10 e 11 de xuño na Feira da Ciencia de Ribadeo 2026, coa participación de todos os centros educativos do municipio.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Celebrarase o venres 29 de maio ás 17:00 h e será gratuíta. Abordará o papel dos poliquetos no ecosistema mariño, as súas características e os riscos do uso de especies exóticas, con proxeccións e maquetas de varias especies empregadas como cebo. Impartiraa o grupo BIOCOST da Universidade da Coruña e está organizada por Posta de Encontro xunto con RedeMar, Xunta de Galicia, Federación Galega de Confrarías e a UDC. Reservas: WhatsApp no 634 97 08 86; 982 13 19 23; buenas@capturaspesca.com ou directamente na tenda Capturas Pesca, onde se celebrará o evento (Av. Leopoldo Calvo Sotelo 49, Ribadeo).
