Castro de Rei, 15 de maio, 2026. A Garda Civil investiga un vertido ilegal de residuos perigosos nunha parcela de titularidade municipal situada no polígono industrial de Castro Riberas de Lea, no termo municipal de Castro de Rei.
A actuación policial iniciouse tras a denuncia presentada polos representantes da administración local, que comunicaron que un camión, ocupado por polo menos tres persoas, realizara en dúas ocasións descargas de placas de uralita na citada parcela.
Os axentes comprobaron que o material abandonado correspondía presuntamente a uralita antiga con contido en amianto ou asbesto, substancias catalogadas como canceríxenas pola lexislación vixente e cuxa manipulación e eliminación require un tratamento específico realizado por empresas autorizadas.
Durante a investigación, e tras o visionado das cámaras de videovixilancia instaladas polo Concello no polígono industrial —que rexistran imaxes as 24 horas do día—, conseguiuse identificar un camión tipo caixa accedendo ao lugar e descargando os residuos.
Como resultado das xestións practicadas, a Garda Civil formulou dúas denuncias administrativas por supostas infraccións á Lei 6/2021, de residuos e solos contaminados de Galicia, normativa que contempla sancións de ata 300.000 euros en casos de abandono, vertido ou eliminación incontrolada de residuos perigosos, segundo o disposto no seu artigo 81.
Os residuos foron posteriormente retirados e trasladados por unha empresa autorizada, encargada da súa correcta xestión e tratamento.
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Celebrarase o venres 29 de maio ás 17:00 h e será gratuíta. Abordará o papel dos poliquetos no ecosistema mariño, as súas características e os riscos do uso de especies exóticas, con proxeccións e maquetas de varias especies empregadas como cebo. Impartiraa o grupo BIOCOST da Universidade da Coruña e está organizada por Posta de Encontro xunto con RedeMar, Xunta de Galicia, Federación Galega de Confrarías e a UDC. Reservas: WhatsApp no 634 97 08 86; 982 13 19 23; buenas@capturaspesca.com ou directamente na tenda Capturas Pesca, onde se celebrará o evento (Av. Leopoldo Calvo Sotelo 49, Ribadeo).
