162 autocaravanas, campers e vehículos similares chegados desde Galicia e o norte peninsular déronse cita este sábado nunha xornada que, ademais do acto de inauguración, incluiu tamén a celebración da II Foliada de Pastoriza e os Cantos de Taberna nos que participaron once grupos tradicionais
A Pastoriza, 16 de maio de 2026. O Concello de Pastoriza inaugurou este sábado a súa nova área de autocaravanas, unha das máis grandes de Galicia, concibida para impulsar o turismo e dinamizar a economía local. A infraestrutura, situada nun enclave estratéxico xunto á piscina municipal, o circuíto de kárting e o inicio dunha ruta de sendeirismo, contou cun investimento de case 69.000 euros a través do Plan de Cooperación cos Concellos da Deputación de Lugo. O espazo dispón de 42 prazas e ocupa unha superficie de 3.000 metros cadrados.
A resposta do sector foi extraordinaria: 162 autocaravanas, campers e vehículos vivenda chegados de toda Galicia e do norte peninsular déronse cita no municipio, pertencentes á Asociación Galega de Autocaravanas (AGA) e ao colectivo PEKA.
Acto institucional e participación
A inauguración oficial contou coa presenza do tenente de alcalde, Marcos García Lombardero; a presidenta da AGA, María del Mar García Pena; e o deputado provincial de Recursos Sostibles, Francisco Cajoto, quen destacou que “é un pracer ver como o que un día foi un proxecto é agora unha realidade ao servizo de veciños e visitantes”.
Tamén asistiron representantes municipais e autonómicos, entre eles a deputada do Parlamento de Galicia Raquel Arias; o senador José Manuel Balseiro; o voceiro do PP na Deputación e tenente de alcaldesa de Lugo, Antonio Ameijide; e o deputado provincial e alcalde de Riotorto, Clemente Iglesias.
O acto incluíu a izada da bandeira, a interpretación do himno, o descubrimento dunha placa conmemorativa e o tradicional corte de cinta. O Grupo de Baile e Música de Pastoriza puxo o acompañamento artístico.
Unha infraestrutura para dinamizar a economía local
A área sitúase a só seis quilómetros do nacemento do río Miño e preto de recursos naturais, culturais e deportivos que o Concello quere poñer en valor. O tenente de alcalde, Marcos García, subliñou que esta infraestrutura “permitirá que quen nos visite desfrute dunha contorna única e contribúa a dinamizar a hostalaría e o comercio local”.
Tamén agradeceu a colaboración das administracións implicadas, dos traballadores municipais e, de maneira especial, dos gandeiros e veciños que cederon os terreos: “Hoxe inauguramos unha nova área de autocaravanas, pero tamén unha nova oportunidade para seguir abrindo Pastoriza ao turismo e á posta en valor do noso patrimonio natural, cultural e humano”.
Pola súa banda, o deputado Francisco Cajoto lembrou que o Plan Deputación é “un dos principais instrumentos de cooperación municipal” e que proxectos como este “reforzan a oferta turística da comarca e da provincia”.
Música, sendeirismo e tradición durante toda a xornada
A inauguración enmarcouse nunha ampla programación festiva vinculada á II Foliada de Pastoriza e aos Cantos de Taberna, organizados polo Concello en colaboración con Asapa e a asociación cultural e deportiva Miño Vivo.
A xornada comezou coa ruta de sendeirismo Augas de Fonmiñá, na que participaron 120 persoas. Ao mediodía celebrouse unha sesión vermú na Praza do Concello e, tras a inauguración, os Cantos de Taberna percorreron distintos locais hostaleiros.
Once grupos de música tradicional participaron na programación: Asubíos da Chaira, Pastoriza, Reviravolta, Os Agustiños, Grupo Tradicional de Meira, A Chocolateira, Son de Outeiro, Asubiiños 4, Ardelle o Eido, Os D’Aquí e Cantos da Valuria.
Marcos García destacou que esta xornada representa “a nosa identidade: sendeirismo, música tradicional, cantos de taberna, foliada e gastronomía. Pastoriza é unha vila que sabe conservar as súas tradicións ao tempo que aposta por novas oportunidades de desenvolvemento”.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.