Ribadeo, 27 de xuño de 2026. A Gastropraza continúa coa súa programación de actividades pensadas para afondar no coñecemento do produto, da tradición culinaria e dos procesos de elaboración que forman parte da identidade gastronómica galega. Entre finais de xuño e o mes de agosto este espazo acollerá sete citas arredor do café, o pan, os peixes de temporada e produtos emblemáticos como o porco celta ou a tenreira galega.
Este sábado, día 27, tivo lugar unha sesión dedicada ao café, da man de Coffee Urban Roasters, profesionais do café de especialidade chegados desde Viveiro.
Xa no mes de xullo, o día 4 terá lugar un obradoiro centrado na elaboración de masas de pan, unha proposta pensada para achegar ao público técnicas, coñecementos e fundamentos básicos dun alimento esencial na nosa cultura gastronómica.
A Gastropraza continuará a súa actividade o día 18 de xullo cun encontro con Xulio Mato, especialista gastronómico e colaborador do programa da TVG A Voltas co Prato. E haberá unha nova sesión o 29 de xullo dedicada aos peixes de temporada, unha oportunidade para poñer en valor o produto do mar e a súa importancia na cociña galega.
O programa completarase en agosto con tres novas datas: o 5 cunha xornada arredor do porco celta; o 19 cunha sesión dedicada á tenreira galega; e o 26 de agosto con carne de poldro de Pura Raza Galega, pechando así un calendario de verán que aposta pola divulgación gastronómica, o produto de proximidade e a conexión entre tradición e cociña contemporánea.
Con esta programación, a Gastropraza consolídase como un espazo de encontro en Ribadeo para profesionais, persoas afeccionadas á gastronomía e público interesado en descubrir, aprender e gozar da riqueza culinaria galega a través de actividades especializadas e experiencias arredor do produto. A organización corre a cargo do Concello de Ribadeo, Xunta de Galicia, Acisa e a asociación Cociñeiros Lugo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
