Raquel Ferreira denuncia que, tras un elevado investimento de cartos públicos, a instalación segue a sufrir importantes deficiencias e os problemas persisten
Ribadeo, 3 de xullo, 2026. O BNG de Ribadeo denunciou o “fiasco e a nula eficiencia” na xestión das obras do pavillón polideportivo da rúa Alfredo Deaño. A formación nacionalista considera “intolerable” que, tras un investimento de 190.000 euros de fondos públicos, a intervención se limitase a un lavado de cara superficial que mantén as mesmas deficiencias estruturais e non cumpre cos compromisos adquiridos co tecido deportivo local.
A concelleira do BNG, Raquel Ferreira, lembrou declaracións previas do alcalde, Daniel Vega, quen en varias ocasións empregou a mofa para criticar o estado da instalación, chegando a afirmar que “existían máis caldeiros dentro do pavillón que en todo Ribadeo”.
“Agora a ironía volveuse na súa contra”, sinalou Ferreira. “Despois de gastar 190.000 euros de cartos públicos, os problemas seguen sen solucionarse. Os clubs e as familias continúan esquivando a mesma colección de caldeiros porque o goberno non foi quen de resolver as filtracións nin as deficiencias da cuberta”.
O BNG subliña que a falta de eficacia vai máis alá das filtracións. Lembra que o goberno do PP anunciara unha reforma integral que ía poñer fin ao deterioro xeral do pavillón, pero que a maioría das actuacións anunciadas “a bombo e prato” non tiveron efecto real.
“Venderon unha renovación histórica e o que fixeron foi unha chapuza. Onde están as melloras prometidas? En que se gastaron exactamente os 190.000 euros se o pavillón segue igual?”, cuestionou Ferreira, quen definiu o proxecto como un exemplo de “propaganda sen xestión”.
A formación nacionalista considera que este caso evidencia unha falta de rigor e supervisión por parte do goberno local. “Imos pedir explicacións sobre por que se deu por boa unha obra que non responde ás necesidades reais das persoas usuarias. Ribadeo merece infraestruturas deportivas dignas e un goberno que se tome en serio o diñeiro da veciñanza. Agardamos que o alcalde non se desfixera dos caldeiros dos que tanto falaba, porque aínda os necesita”, concluíu Ferreira.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).