Ortigueira, 4 de agosto de 2026. O Concello de Ortigueira, a través da Concellería de Turismo e Patrimonio, pon en marcha a terceira edición do concurso de fotografía “Ortigueira nunha foto”, co obxectivo de fomentar a participación social e promover a fotografía como medio de expresión para reflectir a variedade e riqueza paisaxística, patrimonial e cultural do municipio.
Nesta edición de 2026, a temática escollida son as praias de Ortigueira. As imaxes deberán mostrar e poñer en valor os arenais do municipio, indicando o lugar no que foron tomadas.
A participación é libre e gratuíta, e cada persoa poderá presentar un máximo de tres fotografías. As imaxes non poderán ter sido publicadas previamente en ningún medio nin premiadas noutros certames.
As fotografías deberán entregarse en papel, nun formato entre 30×40 e 40×50 cm, tanto en cor como en branco e negro. Non se aceptarán fotomontaxes, collages nin fotografías creadas con intelixencia artificial.
Unha vez cumpridos todos os requisitos, os traballos poderán presentarse no Concello de Ortigueira ou enviarse por correo postal. O prazo de entrega remata o 2 de outubro ás 14:30 horas.
As tres mellores fotografías recibirán premios de 300, 200 e 100 euros, respectivamente. A entrega terá lugar o 23 de outubro. Ademais, tanto as imaxes gañadoras como as preseleccionadas exhibiranse nunha exposición na Casa do Concello, que se inaugurará o día da entrega de premios e poderá visitarse durante todo o mes de outubro.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A convocatoria está fixada para as 19.30 horas no salón de sesións da Casa Consistorial. Un dos puntos da orde do día inclúe a proposta para designar as festividades locais de 2027. Tamén se presentarán dous expedientes de recoñecemento extraxudicial de crédito. Ademais, a corporación someterá a aprobación as actas das sesións celebradas os días 8 e 15 de xullo. A orde do día completarase coa parte de control, na que se dará conta das resolucións da Alcaldía e se abrirá a quenda de rogos e preguntas.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
