Trabada, 1 de setembro de 2026. Os campamentos de verán do Concello de Trabada, tanto o campamento infantil como o campamento xuvenil, rematan despois de dous meses de actividade, cunha participación conxunta de máis de 50 nenos, nenas, rapaces e rapazas.
As actividades desenvolvidas durante os meses de xullo e agosto tiveron unha moi boa acollida entre as familias do municipio, consolidándose como unha importante ferramenta para favorecer a conciliación da vida familiar e laboral durante o período estival, ao tempo que ofrecen aos máis novos un espazo de convivencia, lecer e actividades adaptadas ás diferentes idades.
Desde o Concello de Trabada poñen en valor o desenvolvemento destes programas e agradecen a confianza das familias, así como o traballo realizado polo persoal encargado de facer posible as actividades ao longo destes dous meses.
O alcalde de Trabada, Rubén García, destaca que “a boa acollida destes campamentos demostra a importancia de contar con servizos públicos que faciliten o día a día das familias e que permitan que os nenos e nenas dispoñan de espazos de lecer e convivencia durante o verán”.
O remate dos campamentos non supón, con todo, o final dos programas municipais de conciliación. O Concello continuará a ofrecer diferentes servizos ao longo do curso, entre eles o programa de madrugadores, así como o Punto de Atención á Infancia (PAI), que recuperará a súa actividade neste mes de setembro.
Deste xeito, Trabada mantén unha rede de servizos destinada a acompañar as familias nas distintas etapas, con propostas que permiten ofrecer atención desde os tres meses ata os 12 anos, e mesmo ata os 18 anos no caso dos campamentos xuvenís.
“Desde o Concello seguimos traballando para ampliar e consolidar os servizos de conciliación e coidado, porque consideramos que son fundamentais para as familias e tamén para o futuro de Trabada”, sinala o alcalde.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
