Ribadeo, 1 de outubro, 2026. O BNG de Ribadeo acusa ao alcalde, Daniel Vega, de manter unha “actitude manipuladora” ao presentar como “boa xestión” o recorte forzoso de máis de 780.000 euros imposto polo Estado tras incumprirse o Plan Económico-Financeiro (PEF).
A formación nacionalista lembra que hai un ano o Concello foi obrigado a someterse a un PEF polo descontrol das contas municipais. Segundo explica o portavoz do BNG, Martín Graña, a propia proposta da Alcaldía recoñece agora un novo exceso de gasto que obriga a aplicar unha declaración de “non dispoñibilidade de crédito” por valor de 841.070,08 euros, o equivalente ao 7,11% do Orzamento Xeral de 2026.
No último pleno, a documentación asinada polo alcalde admite que aplicar o recorte íntegro “afectaría á continuidade da prestación de servizos esenciais e ao funcionamento ordinario do Concello”, o que, segundo o BNG, desmonta o discurso de “moderación e responsabilidade” defendido por Vega.
Para evitar o colapso municipal, a Alcaldía aprobou dúas medidas: recortar e conxelar 510.375,80 euros do orzamento deste ano e bloquear 272.477,88 euros do remanente de tesourería. En total, máis de 780.000 euros que non poderán destinarse a obras, servizos nin necesidades da veciñanza. Entre as partidas afectadas destacan 80.000 euros menos para instalacións deportivas e 50.000 euros destinados ao arranxo de rúas.
O BNG critica que o alcalde “desvíe o foco” falando de débeda bancaria en lugar de explicar como se chegou a esta situación. Graña lembra que o actual goberno recibiu un Concello “saneado, con boa situación económica e con remanentes superiores a 1,6 millóns de euros”, aforros que “fundiron en menos dun ano”.
Para o grupo nacionalista, esta situación evidencia “unha mala xestión económica” e unha falta de rigor. “A veciñanza de Ribadeo merece un goberno que administre con prudencia e diga a verdade, en lugar de disfrazar sancións e recortes legais como se fosen éxitos de xestión”, conclúen.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
