O PP de Burela recrimina o alcalde por pedirlle á Xunta que axilice o acceso ao porto

NOTA DE PRENSA DO GMPP DE BURELA

Barcia: “nunca vin ó alcalde pedíndolle á Xunta bipartita que axilizase o acceso ó porto”.

O portavoz dos populares reitera que a obra é “prioritaria para Burela, pero non para o alcalde”.

Barcia manterá unha reunión cos máximos responsables da Consellería de Medio Ambiente o vindeiro martes, día un.

O portavoz do Grupo Municipal do Partido Popular (GMPP) de Burela José María González Barcia, reiterou hoxe, a través dunha nota de prensa, que a obra de acceso ó porto é “absolutamente prioritaria para Burela e para o seu desenvolvemento económico, e por extensión para o conxunto da Mariña, e por eso a Xunta está absolutamente comprometida con esta obra; tanto é así, que o presuposto da obra vai aumentar en cáseque dous millóns de euros”.

Barcia asegurou que “non fai falla que o alcalde se moleste levando este asunto a pleno, porque non tivo o mínimo detalle de solicitar nunca, nin antes, nin agora, unha entrevista nin co conselleiro de Medio Ambiente nin coa Directora Xeral de Infraestructuras para falar de este asunto, o que demostra o seu grado de preocupación pola obra e a súa falla de coherencia. Pola contra, o PP sí manterá o vindeiro martes día un unha reunión cos máximos responsables da Consellería de Medio Ambiente, para analizar a situación presente da obra e a planificación que seguirá no futuro”.

Para o portavoz do GMPP, “cómpre lembrar que esta obra foi licitada e adxudicada pola Xunta bipartita en 2007, cando xa nos presupostos da Xunta de 2005, últimos da etapa Fraga, quedaba consignación orzamentaria e o proxecto aprobado. Usouse como disculpa do retraso que se ía revisar o proxecto, pero a realidade é que a Xunta de Touriño e de Quintana adxudicou a obra cáseque dous millóns e medio de euros por debaixo do presuposto de saída, o que conducía á obra a unha situación difícil, ademais de todos os outros problemas de tipo xurídico e técnico que xurdiron”.

“Resulta chocante, afirma Barcia, que o propio alcalde, na comisión informativa do pasado luns, empregase como motivo da rescisión de contrato solicitada pola unión de empresas adxudicataria da obra o baixo presuposto da mesma, porque está recoñecendo que a Xunta bipartita fixo unha baixa temeraria”. Para Barcia, “unha vez máis, o alcalde non é coherente, algo, por outra parte, ó que xa nos tén acostumados, porque el mesmo calou a boca cando a Xunta bipartita non foi capaz a sacar a obra adiante; tanto é así, que el mesmo hasta tres veces fixou o prazo de remate da obra e nas tres veces errou o seu pronóstico”.

O voceiro dos populares afirmou que a Xunta “está a facer o que tén que facer para que se reinicien as obras, pero sempre dentro do marco legal. Todos queremos que se faigan as obras canto antes, pero os prazos que marca a normativa vixente hai que respectalos”.

Finalmente, Barcia indicou que “o PP burelés vai facer todo o posible para que a Xunta, dentro do marco legal vixente, axilice todo o que se poida a obra para que esta sexa canto antes a realidade que todos os cidadáns de Burela queremos. Se alguén pretende usar o discurso de que o o PP está en contra de algo, vai errado. Seralles millor que se apliquen máis a xestionar, a salir do despacho, para demostrar a súa capacidade de xestión, e que se apliquen menos a criticar, porque os que de momento están elexidos para gobernar deben cumplir con esa función e non pretender ser goberno pola mañán e ser oposición pola tarde”.