NA PONTENOVA
Voltamos a A Pontenova para participar no acto inaugural das IV Xornadas do Peregrino, na homenaxe a Alvaro Cunqueiro, co fin de estimular a unión e a solidaridade dos concellos das Terras de Miranda´, e próximos, que cruzan o Camino Norte, na promoción do mesmo. O programa do día desenvolveuse na Casa da Cultura onde, amais da brillante e amena conferencia do profesor Francisco Singul, “Cunqueiro e o Camiño de Santiago”, tivo lugar unha mesa redonda/debate con significados expertos nesta temática: os focegos Juan Carlos Pulpeiro e Juan Ramón Pacios, o catedrático Ramón I. Perrín, José Joaquín Milans del Bosch, Pte.da Asoc. Astur-galaica de Amigos do Camiño e Luis Ansedes, Pte. da Asoc. Abrindo Camiño, seguida co interese e a participación dos asistentes. Houbo tamén dúas actuacións musicais: a Coral da Escola de Música local e da Coral mindoniense Mestre Pacheco.
A Pontenova ten o epicentro das súas actividades culturais na que é esplendida Casa da Cultura, un edificio singular, de amplas e confortables estancias; baste decir que o salón de actos conta con preto de 400 cómodos asentos, dispostos en forma de anfiteatro, que poden acoller a mais do 10% da poboación do concello, cun espacioso escenario, accesible, case a ras do chan As instalacións, ubicadas a carón do río que cruza a vila, no mais carismático do centro urbán, pretiño da ponte peatonal que o cruza, e que engade encanto e atractivo á paraxe; e tamén da que foi histórica meca do bó xantar: a Casa da Cubana, dende hai algúns anos xubilada da noble e reparadora función de ben alimentar a propios e estranos. Foron aquélas, para nós, horas dunha estadia beneplácita, didáctica e de amable acollida polos amigos da fermosa vila. Saímos, xa de noite, cunha xoia editorial baixo o brazo: o libro de fotografías “O pobo das néboas”, a obra impresionante do artista santanderino Vicente Ansola, que se namorou do medio natural, da sinxeleza e da autenticidade da vida e da antropoloxía da bisbarra, que reflicte en imaxes de outa calidade artística e técnica. O dito: toda unha xoia.
Suso Fernández
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
