RIBADEO .- (FNC) Os gañadores dos premios que ACISA/CCA sorteu onte dentro da campaña nadal teñen ata o 7 de febreiro para pasarse pola oficina do Centro Comercial Aberto a canxear as súas papeletas por vales de compra.
O primeiro premio dotado con 6.000 euros en 12 mensualidades de 500 euros foi entregado a un cliente de Frutería Milfruit. O segundo premio de 3.600 euros en 12 mensualidades de 300 euros foi entregado en Foto Miguel.
O resto dos establecimentos que repartiron as papeletas premiadas con vales de compra por importe de 200 euros son: Joyería Modesto G; Deportes O’Neall; Farmacia Mª Carmen Álvarez Lebredo; Droguería e Semillas Armando; Construcciones Coto; Farmacia Virginia Boada; Ginzo Moda (con dous premiados); O Bodegón; Sixto Moda; Cafetería Linares e Carlos Castro Zapatería.
Os números das papeletas gañadoras coinciden cos dos Sorteo da Lotería del Niño celebrado onte. Os afortunados deben personarse con esa papeleta na Oficina do CCA sita na Avenida de Asturias para recoller os seus premios.
ÚLTIMA HORA
- O 26 de abril segue o Domingueo en Ribadeo
- Os socialistas de Xove piden investir na traída en lugar de privatizar o servizo
- Ribadeo lembra a través dun Bando a obriga de esterilizar os gatos por parte dos particulares
- O grupo de danza da Escola Municipal de Música e Danza de Ribadeo participará no Encontro de Centros de Danza, tras ser convidado polo Conservatorio Profesional de Danza de Lugo
- O grupo de danza da Escola Municipal de Música e Danza de Ribadeo participará no Encontro de Centros de Danza, tras ser convidado polo Conservatorio Profesional de Danza de Lugo
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico. - Falece un home tras sufrir un accidente cunha vaca en Muras
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home. - O Concello de Cervo celebra o Día do Libro, unha data dedicada á maxia das historias, da imaxinación e das palabras que nos permiten viaxar sen movernos do sitio
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939 - A UNED de Lugo participou na XII edición do Taller de Boas Prácticas de Centros Asociados, un encontro que reuniu a máis de cen profesionais da rede para compartir iniciativas innovadoras
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida. - El Franco acollerá desde o 13 de maio unha nova edición do Curso de Eonaviego de Falamos, unha formación gratuíta para persoas adultas destinada a promover o seu uso e coñecemento
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio. - 'Preto de ti' segue achegando ás parroquias ribadenses máis actividades para ás veciñas e os veciños
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”. - Ortigueira rexistrou unha moi boa acollida nas actividades municipais de dinamización sociocomunitaria, que contan neste curso con case 500 persoas inscritas
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
2021 Crónica 3 A Mariña - Implementado por GaliciaDigital