Nota de prensa
O Grupo Popular rexeita a proposición do BNG instando á Xunta a anular o convenio de colaboración asinado pola Consellería MATI, Deputación Provincial e Concello para a dotación de equipamentos de abastecemento, saneamento e novas redes viarias públicas
BALSEIRO CONSIDERA “INSÓLITO E ABSURDO” QUE O BNG PROPOÑA NEGAR AOS VECIÑOS DE BARREIROS A POSIBILIDADE DE DISPOÑER DE NOVOS SERVIZOS URBANOS E DE NOVAS INFRAESTRUTURAS
O bloqueo urbanístico decidido no seu día pola Xunta bipartita foi “estritamente político” e baseado en razóns de persecución ideolóxica: “Tiñan que agochar con Barreiros os desatinos que cometían socialistas e nacionalistas en Foz, Viveiro e Ribadeo”.
Emprazou aos socialistas, belixerantes co convenio, a falar cos seus compañeiros da Deputación de Lugo “que non só o asinaron, senón que tamén contribuirán ao seu financiamento, seguros das bondades do mesmo e de que servirá como solución fronte á parálise”
Santiago, 11 de outubro de 2011.- O deputado do Grupo Parlamentario Popular Jose Manuel Balseiro Orol considerou “insólito e absurdo que o Bloque Nacionalista Galego propoña negar aos veciños de Barreiros, aos compradores de boa fe e aos futuros propietarios das vivendas deste concello da posibilidade de dispoñer de novos servizos urbanos e infraestruturas”. En consecuencia, os votos en contra dos parlamentarios do Grupo Popular serviron para rexeitar a proposta do BNG –debatida na mañá de hoxe no Pleno do Parlamento- e coa que os nacionalistas pretendían deixar sen efecto o convenio de infraestruturas que se levará adiante nesta localidade lucense.
O parlamentario popular quixo salientar que a base deste convenio nace precisamente da colaboración entre distintas administracións “de cor política variable”, como son a Xunta de Galicia, a Deputación Provincial de Lugo e o Concello de Barreiros. O deputado lembrou que todas elas coinciden “na necesidade de poñer fin ao bloqueo urbanístico de Barreiros” e que o convenio ten como único obxecto dotar de equipamentos de abastecemento de auga potable, saneamento e novas redes viarias aos catro núcleos urbanos principais deste concello, e así garantir, polo tanto, a suficiencia destes servizos públicos.
O BNG COMO PROBLEMA PARA OS SEUS VECIÑOS
Na súa intervención, Balseiro Orol cualificou de “moi positivo” o esforzo que está a desenvolver o novo Goberno galego “para dar solucións e dotar de servizos alí onde outros –en referencia ao Bipartito- tan só ofreceron problemas, parálise e desemprego”. O deputado popular sinalou directamente ao BNG como a formación política “que máis dano fixo aos veciños de Barreiros” e lembrou que foron os nacionalistas quen no pasado “bloquearon as obras, denunciando por carta aos seus propios veciños, os que agora pretenden negarlles unha solución e os que no futuro pretenden privarlles de máis de 14,1 millóns de euros en investimentos”.
O deputado do Grupo Popular insistiu en enmarcar o bloqueo urbanístico de Barreiros, decidido no seu día pola Xunta bipartita, como unha decisión “estritamente política e motivada por razóns de persecución ideolóxica”. De feito, Jose Manuel Balseiro remarcou que ao Bipartito “o que menos lle importaba era o desenvolvemento ordenado e sustentable da construción”, pois tan só actuaron “porque alí había un alcalde do PP e podía servirlles de cabeza de turco e de cortina de fume para disimular os desatinos urbanísticos que socialistas e nacionalistas estaban a cometer en concellos veciños como os de Foz, Viveiro ou Ribadeo”. O deputado popular significou que mentres que en Viveiro había licenzas urbanísticas outorgadas con informes técnicos desfavorables, en Barreiros non acontecía esto, e pese a iso se impugnaron.
EMPRAZAMENTO AO PSOE
Jose Manuel Balseiro lembrou tamén o “dobre raseiro” da Xunta bipartita que daquela “acosaba” ao Concello de Barreiros onde a normativa urbanística permitía 2 ou 3 alturas, mentres que “pechaba os ollos en Foz, un concello veciño, separado a menos de 200 metros pola ría” e no que se estaban a dar ata 5 alturas. Lembrou tamén que os informes nos que se basearon gran parte das impugnacións das licenzas de construción de Barreiros foron elaborados en base a fotografías e mapas, sen que os técnicos visitaran o terreo.
Finalmente, o deputado popular quixo facer un chamamento a nacionalistas e socialistas para que rectifiquen na súa estratexia “criminalizadora contra Barreiros” e animoulles a sumarse “ao consenso que implica o convenio de infraestruturas e servizos” posto que o seu resultado será moi positivo para os veciños de Barreiros. No caso concreto do discurso belixerante que o PSOE mantén en Santiago contra o convenio, emprazoulles a que falaran cos seus compañeiros socialistas na Deputación de Lugo, “que non só asinaron o convenio, senon que ademais achegarán fondos para a súa execución”. “Falen vostedes con esta outra parte do PSOE que si está disposto a solucionar o problema que vostedes provocaron desde a Xunta bipartita e seguro os convencerá das bondades deste convenio”, puntualizou.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
