Nota de prensa
MÁGOA DOS PENALTIS
Os penaltis interpuxeron un muro insalvable entre o CD Burela FS Pescados Rubén e a loita pola súa terceira Copa Galicia consecutiva nas semifinais ante o Ponte Ourense, na vixésimo primeira edición, o martes pasado en Lalín. Nun intensísimo encontro que completou o tempo regulamentario con empate (3-3), as laranxas, cun papel soberbio, quedaron eliminadas na quenda dos penaltis, cun resultado en contra de 5-4, despois de 12 lanzamentos.
Aínda que as cousas comezaron ben para as burelistas, as adversidades previstas coas ausencias de Jozi e Peque intensificáronse grazas ás polémicas decisións arbitrais da FGFS, co límite de cinco faltas superado nas dúas partes. As pontinas equilibraron o temperán 2-0 de Ro (minuto 3) e Maite (minuto 9) a través de Ampi (11), primeiro, e Sarita (17), nun dobre penalti que nin sequera as ourensás nin reclamaban nin entendían, tras unha clara falta á laranxa Lucía.
Tras o descanso, a dianteira foi para as ourensás (2-3), con Souza (27). O Burela FS decidiu inverter os papeis con Haydee como porteira xogadora; así chegou o empate, con Ro (37), un resultado que non foi suficiente para acceder última fase, debido á lotería dos penaltis.
O título autonómico recae dende onte no Ponte Ourense tras derrotar na final ao Cidade das Burgas (6-0), que deu o último paso cara á Copa ao vencer ao Leis Pontevedra por (5-2), na outra semifinal.
Ficha técnica
Burela FS-Pescados Rubén: Irene, Lucía, Haydée, Dolo e Rosana, no cinco inicial; tamén xogaron Maite, Claudia e Lidia.
Ponte Ourense: Eva, Bea, Marta, Sarita e Ampi, no cinco inicial; tamén xogaron Ana, Drica, Souza, Jessi e Cris.
Goles: 1-0, minuto 3, Ro; 2-0, minuto 9, Maite; 2-1, minuto 11, Ampi; 2-2, minuto 17, Sarita (d.p.); 3-2, minuto 27, Souza; 3-3, minuto 37, Ro.
Árbitros: Fernández Becerra e Corrochano Ibáñez (Galicia). Amoestaron a Souza, do Ponte.
Incidencias: Primeira semifinal da XXI Copa Galicia, disputada no pavillón municipal de Lalín. Arredor de 150 espectadores.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeira desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
