Nota de prensa
25 DE NOVEMBRO: CONTRA A VIOLENCIA DE XÉNERO
A violencia de xénero segue a ser, por desgracia, un dos problemas máis graves da nosa sociedade. Un problema que nace das relacións de poder non igualitarias e dunha visión ancestral e anquilosada do ser humano.
É necesario erradicar a violencia contra as mulleres e mellorar os recursos para poder informar ás vítimas dos seus dereitos e dos instrumentos previstos para a súa protección, e conseguir tamén o rexeitamento social dos maltratadores.
Ningún grupo político, ningún ser humano pode permanecer impasible ante estas atrocidades, e por esto cómpre levar a cabo todos os pasos necesarios para concienciar á sociedade deste problema e conseguir a erradicación deste tipo de condutas.
Por esta razón o Grupo Municipal do Partido Popular deu o seu apoio a esta moción presentada no pleno do 21 de novembro polo Bloque Nacionalista Galego, se ben na exposición de motivos se critica á Xunta por inhibirse ante estes problemas, desprecouparse do tema da violencia de xénero e paralizar o desenvolvemento da Lei coa escusa da austeridade.
Desde o Partido Popular queremos lembrarlle ó alcalde de Ribadeo, que os concellos da provincia de Lugo, as asociacións e as entidades de iniciativa social que traballan na provincia en programas de atención a mulleres recibiron un total de 1.910.208 € da Secretaría Xeral de Igualdade no trienio 2009-2011 para o desenvolvemento da súa actividade no ámbito da igualdade de oportunidades. O volume máis importante de axudas, 1.406.558 €, destinouse ós concellos a través de liñas de apoio ós CIMs, casas de acollida, programas para promover a igualdade e a prevención da violencia de xénero. Na provincia hai 11 CIMs (entre eles o de Ribadeo), que no seu conxunto percibiron neste período un total de 1.047.752 €. As entidades sen ánimo de lucro da provincia de Lugo, que traballan en áreas como o apoio ás mulleres inmigrantes ou en contextos de prostitución, percibiron neste período 406.817 €. As axudas de igualdade á provincia neste trienio complétanse cos 96.833 € destinados a asociacións para a organización de actividades dirixidas a estimular a participación da muller, …
Todos somos conscientes de que estas axudas son insuficientes, que hai que implicar a toda a sociedade e que esto supón formar e dotar a persoal e centros para que academos o obxectivo dunha convivencia en paz e en igualdade, pero tamén é certo que nin a Administración nin os representantes dela permanecen impasibles ante este modelo ancestral de relación baseado no dominio e na sumisión, que tende a reproducirse dunha xeración á seguinte a través de mecanismos fortemente arraigados.
O Grupo Municipal do Partido Popular deu o seu apoio contundente e claro a esta moción e pretende contribuir coa súa actitude, co seu pensamento e co seu voto positivo e público a esta idea de sociedade que nos une a todos e a todas e que necesita do labor conxunto, na mesma dirección e co mesmo propósito.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
