Nota de prensa
A POLÉMICA ARBITRAXE TURBA O MERA FS-BURELA FS (5-4) DA COPA GALICIA
O CD Burela FS-Pescados Rubén quedou eliminado onte dos cuartos da XXI Copa Galicia da Federación Galega de Fútbol Sala ante o Mera FS (5-4) nun espectáculo con moitas posibilidades que quedou turbado polo protagonismo da polémica arbitraxe. O equipo laranxa sufriu o acoso dun incesante goteo de tarxetas e expulsións.
A escuadra do CD Burela FS tivo que deixar a un lado o que mellor sabe facer, xogar ao fútbol sala, para limitarse a salvagardar a súa integridade física nunha cita que por momentos se semellaba máis a unha batalla campal e buscar ao mesmo tempo que a parella arbitral impartise xustiza na pista. Unha das situacións máis graves experimentouna Dani Martín, que sufriu unha entrada brutal por detrás que pon en seria dúbida a súa participación ante o Eivissa e, por se iso non fora suficiente, foi expulsado por pedirlle explicacións ao contrario.
O que onte se viviu no pavillón da Rabadeira de Oleiros evidencia claramente o camiño equivocado que está adquirindo unha competición organizada pola Federación Galega de Fútbol Sala que debería ser a referencia, e non é, do excelente momento que vive o fútbol sala en Galicia.
Ficha técnica
Mera FS: Jacobo Torres, Maikel, Álex, Alberto e Marcos, no cinco inicial; tamén xogaron Buján, Perce, Martín, Oscarín, Fon e Isma.
CD Burela FS-Pescados Rubén: Iago Barro, André, Purao, Dani Martín e Manuel, no cinco inicial; tamén xogaron Víctor Cachón, Ique, Turero, Clebinho, Iago Míguez e Brais.
Goles: 1-0, minuto 3, Marcos; 1-1, minuto 6, Víctor Cachón; 2-1, minuto 7, Martín; 3-1, minuto 11, Marcos; 3-2, minuto 11,Turero; 3-3, minuto 16, André; 4-3, minuto 17, Álex (d.p.); 5-3, minuto 17, Martín; 5-4, minuto 22, Purao
Árbitros: José Manuel Gómez Arias e Efrén Álvarez López, delegación de Lugo.
Tarxetas: Polo Mera, Fon tivo tarxeta amarela (minuto 27) e Perce foi expulsado con vermella directa (27). André (minutos 9 e 23) e Manu (9 e 14) foron expulsados por dobre amarela; Dani Martín tivo que retirarse con vermella directa no minuto 27; tamén foron amoestados con amarela Purao (16), Ique (16), Iago Míguez (27) e Clebinho (39).
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
