Nota de prensa
O Club Deportivo Burela Fútbol Sala acepta as desculpas do avogado da Asociación de Xogadores de Fútbol sala, Eduardo Meléndez, tras rectificar as declaracións que aparecen publicadas no último número (160) da revista Doble Penalti: “En Segunda Burela e Maristas Valencia deben algo, Playas e Andorra bastante”, no artigo “A morosidade no fútbol sala”.
A entidade laranxa congratúlase da celeridade con que Eduardo Meléndez corrixiu as súas declaracións a través dunha nota publicada na web da AXFS, www.ajfs.org, o xoves 8 de decembro:
“Nunha entrevista mantida por Doble Penalti co avogado da AXFS e que aparece publicada no último número da citada revista dise que o club da Segunda División da LNFS CD Burela FS Pescados Rubén mantén débedas. É un lapsus linguae, un erro cometido polo avogado da AXFS porque non existe ningunha denuncia contra Burela FS. O avogado da AXFS, Eduardo Meléndez, pide desculpas ao Club Burela FS e aos seus afeccionados polo erro cometido.
Proba diso é que na listaxe de clubs non recomendables para fichar no mercado de inverno polas débedas que mantiñan, tanto deste ano como do pasado, e que foi publicada hai uns días na web da AXFS non aparecía o club CD Burela FS Pescados Rubén.
O Club CD Burela FS Pescados Rubén é un histórico do fútbol sala nacional e mantén desde hai anos un bo cartel entre os xogadores da LNFS. Esta mesma tempada un xogador asociado á AXFS púxose en contacto coa Asociación para informarse sobre o club e a súa situación. A AXFS recomendoulle a fichaxe por este club fronte a outros do súa mesma categoría. Isto ocorre da mesma forma na súa categoría feminina”.
Doble Penalti tamén emendou a devandita información en www.doblepenalti.com, con data 9 de decembro:
“A AXFS publica na súa paxina web a seguinte nota, que reproducimos integramente: “Nunha entrevista mantida por Doble Penalti co avogado da AXFS e que aparece publicada no último número da citada revista dise que o club da Segunda División da LNFS CD Burela FS Pescados Rubén mantén débedas.
É un ‘lapsus linguae’, un erro cometido polo avogado da AXFS porque ‘non existe ningunha denuncia contra Burela FS’. O avogado da AXFS, Eduardo Meléndez, pide desculpas ao Club Burela FS e aos seus afeccionados polo erro cometido. Proba diso é que na listaxe de clubs non recomendables para fichar no mercado de inverno polas débedas que mantiñan, tanto deste ano como do pasado, e que foi publicada fai uns días na web da AXFS non aparecía o club CD Burela FS Pescados Rubén.
O Club CD Burela FS Pescados Rubén é un histórico do fútbol sala nacional e mantén desde hai anos un bo cartel entre os xogadores da LNFS. Esta mesma tempada un xogador asociado á AXFS púxose en contacto coa Asociación para informarse sobre o club e a súa situación. A AXFS recomendoulle a fichaxe por este club fronte a outros da súa mesma categoría. Isto ocorre da mesma forma na súa categoría feminina”.
Desde o CD Burela FS esperamos que a rectificación das palabras de Eduardo Meléndez se reflictan ademais no próximo número de Doble Penalti.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
