Nota de prensa
Máis de 300 persoas redescobren esta semana o Sur,
a Montaña e a Mariña luguesa con Km0
A Deputada de Economía, Recadación e Facenda, Pilar García Porto, recibiu esta mañá a dous colectivos que inauguran as rutas desta semana e que os levarán ata os Concellos de Ribadeo e Portomarín
O resto de grupos que viaxarán nas vindeiras xornadas visitarán os Concellos de Foz, Mondoñedo, Negueira de Muñiz, Sober e Monforte de Lemos
Outras 302 persoas redescobren esta semana terras lucenses grazas ás rutas de Km0.Deputación de Lugo. Deste xeito, o programa medioambiental co que a Deputación leva mantendo 3.000 postos de traballo en toda a provincia dende o seu inicio hai catro tempadas. A Deputada Pilar García Porto recibiu este martes no Pazo de San Marcos a 55 membros da Asociación Lucense de Apicultores, de Lugo “e a outros 55 do Centro de Maiores de Viveiro, que farán as rutas da “Ría de Ribadeo” e a de “Portomarín”, respectivamente.
O primeiro destes colectivos viaxou ata a Mariña para coñecer a contorna da Ría de Ribadeo, grazas á travesía en barco que fixeron polas súas augas, antes de subir no ascensor panorámico e achegarse ata o convento das Clarisas e ata o casco histórico da localidade.
Pola súa banda, o grupo viveirense viaxou cara o interior da provincia, ó Concello de Portomarín. Alí puideron percorrer lugares emblemáticos, como o Club Náutico, as igrexas de San Pedro e San Xoán ou a ponte e Capela das Neves.
O mércores, os destinos serán a Mariña e a Montaña luguesas. 48 veciños de Outeiro de Rei farán a ruta do “Bispo Santo”, que os levará a coñecer a igrexa de San Martín e a Capela do Santo de Mondoñedo, así como a área recreativa da Fervenza. Pola súa banda, outros 48 membros da Sociedade Micolóxica de Lugo o Concello de Negueira de Muñiz. Neste Concello de terras da Montaña luguesa achegaranse ata o Pozo do Ollo, a área recreativa e o embalse de Salime e o Museo Etnográfico.
A semana de viaxes remata o xoves, coas rutas que farán 48 mulleres do colectivo de redeiras Cabo Burela ó Concello de Sober, onde poderán visitar a insua de Seivane e dar un paseo en catamarán dende o embarcadoiro de Doade; e a doutros 48 viaxeiros, neste caso da Residencia de Maiores das Gándaras, que visitarán Monforte de Lemos. Alí poderán descubrir a riqueza do barrio xudeu da localidade e o famoso Colexio de Nosa Señora a Antiga.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
