Nota de prensa
ANTONIO VEIGA RECIBIU AO DIRECTOR DE ASUNTOS HUMANITARIOS DE CUBA, NELSON ÁGUILA MACHADO
A Vicepresidencia Primeira da Deputación colabora con AFALU no tratamento de doentes de Alzheimer e o desenvolvemento de proxectos
Lugo, 13 de decembro de 2011. Esta mañá o vicepresidente da Deputación, Antonio Veiga, recibiu ao director de Asuntos Humanitarios de Cuba, Nelson Águila Machado, coa finalidade de estabelecer contactos de cara a propiciar un fío de cooperación entre as institucións de ambos países.
Antonio Veiga declarou que “a visita de hoxe enmárcase na aposta decidida que desde a Área da Vicepresidencia se mantén en materia de cooperación internacional cos países en vías de desenvolvemento. Un compromiso que non só se concreta en accións como esta, que apoiamos en Cuba, senón que se vincula a outros proxectos como o desenvolto en Paraguai ou aqueles outros que se financian a través do Fondo Galego de Cooperación”.
Veiga afirmou que “nós temos claro que a crise se ben é unha limitación de facto para poder abordar máis actuacións deste tipo tamén temos claro que non pode ser unha coartada para paralizar traballos e iniciativas neste ámbito porque pola propia coxuntura económica que se dá no plano internacional tamén son maiores as necesidades de apoio para os países en vías de desenvolvemento. Neste sentido, a presenza de Nelson Águila con nós non fai máis que reafirmar o agradecemento neste caso do pobo cubano á labor solidaria que estamos a desenvolver desde a Deputación de Lugo, concretamente na implementación de políticas dirixidas ao tratamento de doentes de Alzheimer na illa. Hai que ter en conta que foi a Deputación de Lugo, en colaboración con AFALU, quen permitiu a posta en marcha dun proxecto neste campo partindo da experiencia desta asociación lucense a prol da atención dos doentes de Alzheimer e as súas familias”.
Ao longo da entrevista mantida esta mañá, Antonio Veiga e o representante cubano de Asuntos Humanitarios conversaron tamén sobre as iniciativas que nesta área está a desenvolver o goberno de Cuba, goberno que a día de hoxe mantén equipos de axuda nalgúns dos lugares do globo onde se están a vivir as maiores catástrofes no plano humanitario, como pode ser o caso de Haití. Así,Veiga quixo remarcar a disposición da Vicepresidencia Primeira da Deputación de Lugo a seguir colaborando con novas iniciativas e, de xeito moi particular, con aquelas que se desenvolven nos puntos do planeta onde máis precisa é a solidariedade internacional.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
